51:204  sunt  illuminati,  vanitatem  sectari  et  nihil  differre  ab  infidelibus  et  caecis,  quibus  nulla  unquam  affulsit  lux  veritatis:  nimis  absurdum  est.  Quare  merito  ex  superioribus  concludit  ut  vita  demonstrent  se  non  frustra  Christi  fuisse  discipulos.  Et  quo  plus  vehementiae  habeat  exhortatio,  contestatur  eo��  per  nomen  Dei  :  ut  sciant  aliquando  reddendam  esse  rationem  si  contempserint.  Quemadmodum  et  reliquae  gentes.  Intelligit  eos,  qui  nondum  ad  Christum  conversi  erant:  sed  interim  Ephesios  admonet  quam  necessaria  sit  illis  resipiscentia,  quum  naturaliter  similes  sint  perditis  et  damnatis  hominibus:  ac  si  diceret.  Misera,  et  quam  merito  horretis,  aliarum  gentium  conditio  vos  ad  mutandum  ingenium  incitet.  Vult  ergo  differre  ab  incredulis  fideles:  et  causas  discriminis  opponit,  quemadmodum  videbimus.  Quod  ad  priores  spectat,  mentem  eorum  damnat  vanitatis.  Porro  meminerimus  eum  generaliter  loqui  de  omnibus,  qui  spiritu  Christi  regeniti  non  sunt.  Mentem  eorum  vanam  esse  pronuntiat.  Atqui  ea  est,  quae  primas  tenet  in  hominis  vita,  quae  sedes  est  rationis,  quae  voluntati  praeit,  quae  vitiosos  appetitus  coercet.  Unde  et  regina  etiam  a  sorbonicis  theologastris  nuncupatur.  At  vero  Paulus  nihil  illi  reliquum  facit  praeter  vanitatem.  Quasi  etiam  parum  expresse  loquutus  foret,  filiam  eius  Scavowcv  nihilo  meliore  titulo  insignit.  Sic  enim  interpretor  hoc  vocabulum.  Nam  etsi  cogitationem  significat,  quia  tamen  hic  singulari  numero  positum  est,  ad  facultatem  ipsam  refertur.  Plato  circa  finem  libri  sexti  de  Republica  medium  illi  locum  inter  voyjacv  %od  m'aitv  assignat.  Sed  quum  docet  versari  circa  geometrica,  nimis  restringit,  quod  ad  praesentem  locum  pertinet.  Nam  quemadmodum  Paulus  homines  nihil  videre  prius  asseruit,  ita  nunc  addit,  ratiocinando  caecos  esse,  etiam  in  summis  rebus.  Eant  nunc  homines  et  libero  arbitrio  superbiant,  cuius  moderatricem  tanta  ignominia  notari  audiunt.  Sed  huic  sententiae,  ut  videtur,  experientia  palam  repugnat.  Neque  enim  ita  caeci  sunt  homines,  quin  aliquid  cernant:  neque  ita  vani,  quin  aliquid  iudicent.  Respondeo,  quod  ad  regnum  Dei,  et  totam  spiritualis  vitae  rationem,  tale  esse  lumen  rationis  humanae  ut  parum  a  tenebris  differat:  quoniam  mox  exstinguitur  antequam  viam  monstraverit.  Talem  quoque  esse  perspicientiam,  ut  nihilo  plus  valeat  quam  caecitas:  quoniam,  antequam  4d  frugem  perveniat,  protinus  evanescit.  Sunt  enim  vera  principia  quasi  scintillae:  sed  quae  naturae  pravitate  suffocantur,  antequam  applicentur  ad  verum  usum.  Exempli  gratia,  esse  Deum,  et  eum  colendum  esse  a  nobis,  omnes  sciunt  :  sed  fit  vitio  nostro,  et  ignorantia  quae  in  nobis  praevalet,  ut  a  confusa  illa  notitia  statim  ad  idolum  transiliamus  et  illud  colamus  Dei  loco.  In  Dei  cultu  deterius  etiamnum