5:204  esse,  quum  mortua  est,  mortemque  illam  aliud  quidpiam  esse  quam  (quod  obtinere  volunt)  in  nihilum  redigi.  Neque  id  etiam  tacuerunt  scripturae,  si  animum  inducerent,  illis  potius  sensum  suum  accommodare,  quam  arroganter  affirmare,  quidquid  cerebrum  adhuc  a  somno  fumosum  dictaverit.  An  vero  quum  Deus  adversus  hominem  'peccatorem  sententiam  hanc  pronunciat:  Pulvis  es,  et  in  pulverem  reverteris  (Gen.  3,  19),  aliud  dicit,  quam  quod  sumptum  e  terra  est,  in  terram  rediturum?  Quo  igitur  anima?  an  in  vsepulcrum  descendit,  ad  marcorem  et  putredinem?  Atque  ista  quidem  paulo  post  apertius.  Nunc  quid  tergiversantur?  Audivimus,  quod  terrae  e&t,  terrae  etiam  reddendum.  Cur  spiritum  hominis  sub  terras  demergimus?  Non  dicit  hominem  in  terram  rediturum,  sed  qui  pulvis  est,  reversurum  in  pulverem.  Is  vero  pulvis  est,  qui  formatus  est  de  limo  terrae:  ille  in  pulverem  revertitur,  non  spiritus,  quem  aliunde  quam  e  terra  acceptum  Deus  homini  dedit.  x\d  hunc  modum  legimus  in  libro  Iob:  Memento  quia  sicut  lutum  feceris  me,  et  in  pulverem  reduces  me  (Iob.  10,  9).  Hactenus  de  corpore.  Paulo  post  subdit  de  spiritu:  Vitam  et  misericordiam  tribuisti  mihi,  et  visitatio  tua  custodivit  spiritum  meum  (ibid.  v.  12).  Illa  igitur  vita  non  erat  reditura  in  pulverem.  Moi>  animae  longe  alia  est:  iudicium  scilicet  Dei,  cuius  gravitatem  misera  anima  ferre  non  potest,  quin  tota  confundatur,  concidat  et  dispereat:  ut  et  scripturae  nos  docent,  et  usu  ipso  experti  sunt,  quos  Deus  horrore  illo  aliquando  perculit,  [fol.  26]  Ut  enim  ab  Adam  incipiamus,  qui  primus  exitiale  illud  stipendium  meruit,  quo  animo  putamus  fuisse,  imo  quid  omnino  fuisse,  quum  horribilem  illam  vocem  audivit:  Adam  ubi  es?  Facilius  sane  est  cogitare,  quam  dicere:  quanquam  ne  cogitari  quidem  potest,  nisi  sentiatur.  Et  quemadmodum  maiestas  Dei  quam  sit  sublimis,  verbis  explicari  non  potest:  ita  nec  quam  terribilis  sit  ira  iis,  quibus  incumbit.  Vident  praesentem  Dei  omnipotentis  gravitatem:  quam  ut  effugiant,  in  mille  abyssos  se  demergere  parati  sunt,  effugere  tamen  non  possunt.  Et  quis  non  fateatur  hanc  esse  veram  mortem?  Hic  rursum  dico,  verbis  opus  non  habere  eos,  qui  aliquando  conscientiae  cauterio  compuncti  sunt:  qui  vero  experti  non  sunt,  audiant  scripturas:  quibus  Deus  i^oster,  ignis  consumens  est:  qui  dum  in  iudicio  loquitur,  occidit.  Talem  noverant,  qui  dixerunt:  Non  loquatur  Dominus  nobiscum,  ne  forte  moriamur  (Deut.  5,  25;  18,  16;  Ex.  20,  19).  Vultis  bciro  quae  sit  animae  morb?  Deo  carere,  a  Deo  desertam  esse,  sibi  relictam  esse.  Si  enim  Deus  eius  vita  est,  perdit  vitam  suam,  quum  perdit  Dei  praesentiam.  Atque  ut  quod  dictum  est  in  universum,  partibus  ostendatur:  si  extra  Deum  lux  non  est,  quae  nocti  nostrae  luceat:  ubi  lux  illa  se  subduxerit,  anima  certe  in  tenebris  suis  sepulta,  caeca