30:204  debat  prodire  ad  inaequale  certamen:  sed  metu  perculsi  et  despondentes  animum  diffugiebant.  Sed  David  sermonem  excipiens  ait:  Ecquis  vero  iste  est  incircumcisus,  qui  exprobravit  aciem  Dei  viventis?  Hic  in  primis  observandum  quod  superius  attigimus,  Deum  ita  prostravisse  animos  populi,  ut  nulla  Saulis,  nulla  Ionathani,  nulla  denique  ullius  in  toto  exercitu  virtus  et  fortitudo  fuerit,  etsi  fuit  numerosus.  Antea  tamen  Ionathani  fortitudinem  audivimus,  qui  ausus  etiam  fuerat  Philistaeorum  cohortem  solo  armigero  comitatus  aggredi,  ut  temeritas  potius  quam  fortitudo  dici  debere  videretur.  Nam  quis  fortitudinem  dicat  quum  se  in  evidentissimum  periculum  aliquis  coniicit  sine  spe  auxilii?  Quum  igitur  Ionathanus  in  ipsum  praesidii  locum  solus  armatus  cum  armigero  inertni  progrederetur,  et  procul  ab  omni  auxilio  cohortes  hostium  armatas  aggrederetur,  quis  non  temeritatem  illud  facinus  dicat  potius  quam  fortitudinem,  nisi  agnoscamus  divinitus  illi  sacros  animos  datamque  fortitudinem?  Sed  ubi  iam  erat  illa  Ionathan!  virtus?  quare  gigantis  illius  congressum  horret?  Sane  apparet  ipsum  virtute  divini  spiritus  fuisse  privatum:  quod  nimirum  vellet  eum  Davidi  cedere.  Quamobrem  haec  omnia  divina  providentia  fuisse  administrata  certum  est,  divina  vindicta  Saulem  persequente,  quod  a  recta  mandatorum  Dei  via  deflexisset,  ut  ante  vidimus.  Denique  nuUum  fuisse  in  toto  illo  exercitu,  qui  Goliatho  respondere  sit  ausus  conspicimus,  quod  Dei  proprium  sit  vires  et  fortitudinem  timidis  et  imbellibus  largiri,  et  contra  frangere  animos  fortium,  et  ita  dissolvere  ut  instar  aquae  diffluant:  et  quorum  antea  virtus  videbatur  invicta,  et  nullis  terreri  posse  periculis,  sic  momento  immutare,  ut  vel  ad  umbrae  suae  conspectum  paveant.  Quamobrem  discamus  nos  totos  Deo  permittere,  et  in  ipsius  manus  nos  tradere,  ut  in  omnibus  nostris  negotiis  ab  ipso  regamur,  et  consilio,  prudentia,  viribus  muniamur  prout  neces&itas  postularit:  scientes  nos  non  posse  quae  sunt  eventura  providere,  nisi  ipse  nobis  oculos  aperiat  et  illustret:  ut  merito  sibi  hanc  autoritatem  et  potentiam  tribuit  dandi  vires,  sapientiam  et  iudicium  in  omnibus  nostris  negotiis,  quum  ipsum  sine  simulatione  et  hypocrisi  precabimnr.  Et  praeterea  fore  ut  si  calamitates  ingruant,  et  multis  iniuriis  et  calumniis  ab  hostibus  undique  premamur,  metuque  diffugiamus,  animos  faciat,  et  in  infirmitate  nostra  viribus  nos  suis  sustentet,  suique  spiritus  virtute  muniat.  Quid  enim  nobis  miseris  sine  Dei  auxilio  fieret?  Nae  tanto  metu  trepidaremus,  ut  vel  ipsi  pueri  maiores  animos  gerant,  et  virtute  maiore  praediti  videantur.  Deinde  hic  observemus  quam  audaces  et  fortes  homines  hic  appareant  in  aliis  excitandis,  quum  nemo  tamen  audeat  ipse  certamen  suscipere.  Nam  narratio  illa  tota  videri  posset  puerilis,  eorum  qui  dicunt