29:204  regard  sur  le  bled  et  sur  le  vin,  que  Dieu  luy  donnera  nourriture  a��  suffisance  :  car  il  aura  la  rousee  du  ciel,  qui  fera  fructifier  la  terre.  Si  nous  le  prenons  pour  fontaine,  cela  seroit  un  peu  dur.  Il  est  vray  qu'il  est  bien  dit  au  Pseaume:  Vous  qui  estes  de  fontaines  des  Iacob:  mais  c'est  pour  ce  que  le  Patriarche  Iacob  a  este  la  source  du  peuple.  Et  ceci  ne  pourroit  pas  convenir  au  passage  present:  qu'il  nous  suffise  d'avoir  le  sens  naturel  de  Moyse,  c'est  assavoir,  que  Dieu  nous  fera  sentir,  et  nous  monstrera  par  effect,  que  cependant  que  nous  serons  en  ce  monde,  nous  recevrons  nourriture  de  sa  main.  Or  il  est  vray  que  ce  n'est  pas  le  principal  que  nous  devons  cercher  en  Dieu,  que  du  pain  et  du  vin:  mais  c'est  beaucoup,  quand  nous  voyons  qu'il  a  le  soin  de  ceste  vie  corruptible.  Et  cela  nous  doit  faire  monter  plus  haut:  quand  nous  voyons  que  Dieu  daigne  bien  nous  repaistre  selon  le  corps,  ne  devons-nous  point  conclure  que  les  ames  qui  luy  sont  plus  precieuses,  seront  nourries  de  luy  par  plus  forte  raison?  Le  bien  donc  que  nous  recevons  ici  bas,  nous  doit  servir  pour  nous  faire  eslever  nostre  confiance  par  dessus  les  cieux,  afin  que  nous  cerchions  de  luy  une  vie  meilleure,  laquelle  nous  est  maintenant  incomprehensible.  Et  ainsi,  ceste  promesse  n'est  point  de  petite  importance,  quand  il  est  dit,  que  Dieu  fera  tousiours  voir  et  sentir  a  son  peuple  qu'il  est  son  pere  nourricier,  qu'il  luy  donne  bled  et  vin  pour  sa  substance,  qu'il  envoyera  la  rousee  du  ciel,  afin  que  la  terre  ne  desseiche  point:  mais  qu'elle  ait  humidite,  afin  de  substanter  ceux  qui  autrement  demeureroyent  affamez.  Voila  donc  ce  que  nous  avons  a  retenir  de  ce  passage,  c'est  quand  nous  serons  du  troupeau  de  Dieu,  que  nous  ne  serons  point  destituez  de  rien  qui  nous  faille.  Car  mesmes  quant  a  ceste  vie  transitoire,  nous  serons  nourris  et  substantez  de  luy:  et  quand  nous  attendrons  nourriture  de  Dieu,  c'est  pour  nous  donner  courage:  ceux  qui  sont  povres,  qu'ils  travaillent,  et  qu'ils  prient  Dieu  qu'il  luy  plaise  benir  leur  labeur,  d'autant  que  c'est  son  office  de  nourrir  les  siens.  Voila  comme  le  povres  doivent  estre  incitez  a  prier:  et  s'ils  sont  petitement  nourris,  qu'ils  cognoissent  que  Dieu  veut  exercer  leur  patience:  mais  cependant  qu'il  face  tourner  en  Manne  ceste  nourriture  ainsi  maigre  qu'ils  ont,  et  qu'ils  en  soyent  rassasiez  :  que  les  riches  ne  soyent  point  enflez  de  presomption,  cuidans  avoir  leur  vie  en  la  main,  mais  qu'ils  cognoissent  qu'il  faut  qu'avec  tous  leurs  biens  ils  recourent  a  Dieu.  Car  s'ils  n'ont  regard  a  luy,  qu'ils  sachent  qu'il  pourra  bien  consommer  le  bled  au  grenier,  la  farine  au  moulin,  le  pain  au  four:  mesme  il  consumera  le  pain  au  ventre:  qu'au  lieu  d'en  recevoir  nourriture,  il  n'y  aura  que  corruption.  Cognoissons  donc  qu'il  faut  que  Dieu