27:204  du  sang.  Et  pourquoy?  Car  il  vous  faut  penser  que  l'ame  est  la,  comme  representee.  Or  ie  vous  deffen  tout  homicide,  que  vous  regardiez  bien  que  les  hommes  sont  creez  a  mon  image:  il  ne  faut  point  donc  que  vous  faciez  Wcun  outrage  ni  force  les  uns  aux  autres  :  car  quiconques  espand  le  sang  humain,  son  sang  aussi  sera  espandu.  Nous  voyons  (di-ie)  que  nostre  Seigneur  n'a  point  regarde  aux  bestes  brutes:  mais  plustost  il  nous  a  voulu  tenir  en  concorde  fraternelle.  Et  ainsi  il  a  donne  une  figure  au  peuple  ancien,  qu'il  ne  devoit  point  attenter  aucune  violence  a  l'encontre  des  creatures  raisonnables.  Voila  quelle  est  la  somme.  Or  de  la  ceremonie  elle  n'est  plus  en  usage,  il  a  fallu  que  tout  cela  s'abolist  a  la  venue  de  nostre  Seigneur  Iesus  Christ  :  mais  maintenant  la  substance  nous  demeure,  tellement  que  Dieu  nous  commande  de  vivre  paisiblement  ensemble.  Car  s'il  a  declaire  en  sa  Loy  qu'il  n'estoit  point  licite  de  manger  du  sang  des  bestes:  comment  devons-nous  espargner  le  sang  humain?  Car  les  hommes  ne  sont  point  mis  en  ce  monde  pour  viande:  mais  Dieu  leur  a  imprime  sa  marque,  que  son  image  reluit  en  eux,  afin  qu'en  les  espargnant,  nous  monstrions  que  nous  portons  reverence  a  nostre  Dieu.  Il  y  a  deux  choses  principales  que  nous  devrions  ensuivre  pour  nourrir  concorde  et  amitie  avec  les  hommes:  l'une  c'est  que  nous  sommes  d'une  mesme  nature.  Tu  ne  mespriseras  point  ta  chair  (dit  le  prophete  Isaie).  Et  de  faict,  nous  voyons  que  les  bestes  sauvages  d'un  mouvement  naturel  se  maintiennent  ensemble,  que  chacune  se  gouvernera  paisiblement  avec  celles  que  sont  de  son  espece.  Il  faudra  donc  que  nous  soyons  plus  que  pervertis,  et  que  nous  ayons  moins  de  raison  que  les  bestes  brutes,  quand  nous  viendrons  nous  gourmander,  que  nous  serons  comme  chiens  et  chats,  ainsi  qu'on  dit.  Or  tant  y  a  que  voyant  les  hommes  estre  ainsi  desbordez,  qu'il  n'y  a  ni  equite,  ni  droicture  entre  eux,  il  est  certain  qu'il  ne  leur  faudra  d'autre  iuge  pour  les  condamner  en  leur  cruaute,  que  les  bestes  sauvages.  Or  il  y  a  ce  que  i'ay  aussi  touche  pour  le  second,  c'est  que  Dieu  a  mis  son  image  en  nous.  Quand  donc  ie  fay  outrage  a  mon  prochain,  c'est  autant  comme  si  ie  violoye  l'image  de  Dieu:  et  ie  suis  coulpable  de  sacrilege.  Et  ainsi,  advisons  bien  que  nostre  Seigneur  a  en  singuliere  recommandation  que  le  genre  humain  soit  maintenu  en  paix  et  en  concorde  :  le  moyen  est,  que  nul  n'attente  aucune  force  ni  iniure  contre  son  prochain,  et  nous  voyons  aussi  comme  Dieu  a  eu  en  detestation  les  homicides.  Car  la  Loy  est  donnee  estroite  :  Si  on  trouve  d'aventure  un  corps,  et  qu'on  ne  sache  que  l'aura  tue,  il  veut  qu'apres  grande  inquisition  on  s'assemble,  et  qu'on  face  serment  solennel  que  nul  n'est  coulpable  du  meurtre  :  et  puis  encores  la  dessus  qu'on  face