15:204  prorsus  causae  Dei  admiscere,  aut  aliud  quam  ipsum  quaerere.  Ter  miseri  Metenses8)  experiuntur,  quam  vera  audierint,  ubi  illis  Dominus  offerebat  sese,  quia  non  erant  omnia  ut  volebant,  siquidem  metere  et  vindemiare  domi  ob  aestum  vitandum  volebant,  non  sub  radiis  solis  in  agris  et  vineis  quod  offerebatur,  et  putabant  se  habituros  non  habuerunt,  sed  quae  habebant  amiserunt.  Hic  sese  offert  misericordia  Domini  et  insignis  gratia.  Si  cordate  et  magna  fide  excipiatur,  et  quod  exceptum  est  strenue  tueamur,  Dominus  addet  longe  plura  quam  speremus.  Tantum  fiant  omnia  iuxta  verbum  ipsius  Viretus  et  qui  cum  eo  Christum  amant,  magno  desiderio  exspectant  quando  Orba9)  ab  omni  spurcitia  pontificia  expurgetur.  Nusquam  enim  pontifex  habet  tam  apposita  ad  suam  larvam  componendam  et  ad  fucum  faciendum  quam  habet  illic.  Christus  faxit  ut  brevi  eliminentur  omnia  quae  sunt  Antichristi,  et  solus  tantum  regnet  verbo  suo  Deus,  qui  te  servet  diu  incolumem  suae  ecclesiae,  faxitquo  ut  omnium  semper  servias  aedificationi  paci  et  concordiae  omnium  quantum  fieri  potest,  cui  te  bonam  navasse  operam  gratulor,  optoque  ut  magis  et  magis  per  Dominum  facias,  et  in  hoc  tibi  prospera  omnia  det:  servet  tuam  coniugem  sanctam  ac  domum  totam,  ne  quid  in  mora  tibi  sit,  sed  omnia  tibi  ad  opus  Domini  inserviant.  Sane  non  possum  non  maxime  affici,  tuis  tam  piis  et  caritatis  plenis  literis,  et  ista  tuorum  commendatione,  petoque  id  quod  tu  petis,  nempe  tuis  sanctis  et  tuorum  precibub  commendari  Domino,  qui  nobis  omnibus  det  cursum  huius  vitae  quam  rectissime  currere  in  gloriam  sui  nominis.  Opto  et  collegis  tuis  omnia  prospera  in  Christo,  ut  tam  sanctum  ministerium  plene  benedicatur  et  absolvatur  per  Christum.  Collega  te  salutat.  Neocomi  i.  Augusti  1554.  Tuus  Farellus.  Nudius  tertius  Dominus  ut  solaretur  Viretum,  qui  afflicta  erat  valetudine,  voluit  Orbam,  in  qua  natus  fuit,  benigne  visitare,  pulso  cultu  pontificio,  ut  evangelio  tantum  sit  locus.  Ita  fiat  passim,  solusque  regnet  Christus.  8)  apud  quos  evangelii  lux  omnino  exstincta  fuerat.  9)  vide  post-scripfum.  7)  Diu  a  Mauritio  obsessum,  d.  9.  Nov.  1551  satis  bonis  conditionibus  sese  dediderat  (Sleid.  UL  284.)