9:203  203  ULTIMA  ADMONITIO  204  Hic  de  reatu  et  poena  philosophari  nihil  ipsis  proderit.  Quia  autem  [pag.  182]  vident  se  adhuc  constringi,  bonam,  si  ipsis  creditur,  interpretationem  excogitant,  quod  agnus  non  figurative,  sed  re  ipsa  transitus  sit,  sicut  Christus  vocatur  pascha  nostrum,  non  tanquam  memoriale,  sed  quia  nos  redemit.  Atqui  putabam  ideo  Christum  vocari  pascha,  quod  legale  illud  sacrificium  typus  eius  fuerit,  ac  in  mysterio  repraesentarit  quam  sperabant  redemptionem.  Quod  si  ita  est,  solidae  igitur  et  aeternae  liberationis  signum  et  pignus  fuit  agnus  ille  veteri  populo,  non  secus  ac  nobis  hodie  est  panis  coenae.  Caeterum  si  quaeratur,  an  nullam  admittant  significationem  in  coena,  ita  respondent:  Maneat  res  ipsa,  et  facessant  inde  tropi,  umbrae,  tenebraeque  omnes,  veteri  solum  testamento  congruentes.  Meminerint  lectores  de  significatione  hic  agi:  eam  prorsus  repudiant  literales  isti  magistri:  et  quanquam  odiosis  nominibus  utuntur,  quod  tamen  maxime  proprium  est  sacramenti  in  nihilum  redigunt,  [pag.  183]  Quid  enim  est  sacramentum  sine  typo  vel  figura?  Apertius  deinde  se  prodit  eorum  insulsitas.  Salvis  (inquiunt)  rebus  ipsis,  hoc  est,  materiali  et  formali,  expositisque  principalibus  finibus,  sobrie  saltem  quaedam  significationes  locum  habeant.  Quid  ubi  duplicem  statuunt  coenae  materiam,  mortua  illic  et  profana  elementa  esse  volunt:  ac  si  Christus  arculae  corpus  suum  includeret?  An  magica  incantatione  copulari  putant  cum  pane  Christi  corpus,  ut  omni  doctrina  priventur  fideles?  Quis  iam  erit  usus  verhi,  si  nulla  erit  significatio?  Nisi  enim  elemento  insculptum  erit  verbum  visibile,  facessat  inane  et  nihili  spectaculum.  Veterine  testamento  solum  congruant  figurae  et  typi,  pro  se  respondeat  spiritus  sanctus,  qui  bis  in  specie  columbae  et  tertio  in  linguis  igneis  apparuit.  Nisi  forte  externas  species  posthabito  docendi  respectu,  quasi  puerorum  [pag.  184]  crepundias  l)  adhibuit,  aut  aliud  etiam  magis  ludicrum  et  insipidum.  Omitto  quod  non  sine  atroci  Dei  contumelia  tenebras  appellant  pietatis  exercitia,  quibus  pios  sub  lege  Deus  ad  solem  iustitiae  direxit.  Si  in  tenebris  dicerent  illos  fuisse,  asper  ac  durus  esset  sermo:  lucernas  vero  quae  viam  illis  monstrarunt,  hac  infamia  notare  ut  tenebrae  censeantur,  prorsus  intolerabilis  blasphemia  est.  Sed  quaenam  Magdeburgensium  arbitrio  significatio  manebit  residua?  ut  coena  haec  denotet  coniunctionem  ecclesiae,  et  quod  cruci  ac  aerumnis  sit  exposita.  Ergo  quod  prius  dixerunt  de  causa  finali  iam  obliti  sunt.  Nam  si  Christi  consilium  fuit,  corpus  suum  sub  pane  edendum  porrigere  in  remissionem  peccatorum,  haec  certe  doctrina  in  rationem  venire  de-  1)  Add  auxquels  les  fideles  n'ayent  receu  nulle  droite  instruction.