7:203  203  CONTRE  LA  SECTE  204  geant  les  noms  des  choses:  ou  bien  de  faire  force  ou  violence  a  nostre  couraige,  pour  le  retirer  de  son  inclination  naturelle,  et  le  reduire  en  l'obeissance  de  Dieu,  et  nous  redarguer  en  toutes  mauvaises  affections.  Mais  pour  eviter  prolixite,  en  laquelle  necessairement  i'encourrois  voulant  desduire  ceste  matiere  au  long,  ie  produiray  seulement  quelques  tesmoignages  de  l'escriture  tant  evidens  qu'il  n'y  aura  nul  si  idiot,  qui  n'entende  et  ne  voye  a  l'oeil,  que  ce  mot  de  regeneration,  comme  en  abus#  ht  ces  meschans,  est  aussi  contraire  a  la  vraye  regeneration  Chrestienne,  que  le  feu  a  l'eaue.  Pour  le  premier,  au  lieu  de  ce  qu'ilz  babillent,  que  l'homme  Chrestien  se  doit  laisser  mener  a  son  affection,  sans  plus  voir  le  peche:  sainct  Paul  exhorte  tous  Chrestiens  de  mortifier  leurs  membres  terrestres,  assavoir,  comme  aussi  il  l'expose,  les  concupiscences  mauvaises,  comme  paillardise,  avarice,  ambition  et  semblables  (Col.  3,  5  ss.).  Pour  les  faire  craindre,  [page  132]  il  les  renvoye  au  iugement  de  Dieu,  disant  que  son  ire  vient  sur  les  rebelles  pour  telles  choses.  Il  leur  commande  de  se  renouveler  de  iour  en  iour,  renonceant  au  vieil  homme  (Ephes.  4,  23).  Il  leur  remonstre  qu'ilz  doyvent  cheminer  sobrement  comme  enfans  de  lumiere.  Ii  les  advertist  de  ne  se  laisser  point  decevoir  de  parolles  do  flatteries  (Ephes.  5,  6  ss.).  Il  les  instruict  de  cheminer  en  leur  vocation,  en  crainte  et  tremblement  (Phil.  2,  12;  Ephes.  4,  1).  Il  leur  reduict  en  memoire  qu'ilz  ne  sont  point  appellez  a  immondicite,  mais  a  sanctification  (1  Thess.  4,  7).  Ces  exhortations  sont  si  communes  en  l'escriture  que  rien  plus,  de  nous  destourner  du  mal,  et  de  bien  faire.  Et  de  faict,  comme  i'ay  dict,  qu'est  ce  que  nostre  seigneur  a  commande  a,  ses  Apostres  de  prescher,  sinon  penitence  et  remission  des  pechez  (Luc  24,  47)  ?  Et  ce,  non  pas  pour  un  iour,  ou  de  premiere  entree  seulement,  mais  iusque  en  la  fin.  Et  pourtant  sainct  Paul  voulant  protester  qu'il  s'est  deuement  acquite  de  son  office,  dict  qu'il  n'a  cesse  d'enseigner  l'un  et  l'autre,  tant  entre  les  [page  133]  Iuifz  qu'entre  les  Grentilz  (Act.  20,  21).  Parquoy  que  tous  ceux  qui  se  veulent  tenir  a  la  pure  verite  de  Dieu,  advisent  de  continuer  tout  le  temps  de  leur  vie  en  ceste  doctrine  de  penitence:  qui  emporte,  comme  sainct  Paul  le  monstre,  1)  que  en  la  vertu  de  l'esprit  de  Dieu,  et  par  sa  grace,  nous  mortifions  les  oeuvres  de  la  chair  (Rom.  8,  13):  que  le  peche  ne  regne  point  en  nous  (Rom.  6,  14  suiv.),  que  nous  soyons  transformez  de  nostre  entendement  et  propre  courage,  pour  estre  reduictz  en  l'obeissance  de  Dieu2),  nous  gardans  des  souillures  et  pollutions  de  ce  1)  Cette  formule  manque  dans  la  traduction.  2)  Christi.