6:203  LA  MANIERE  DE  CELEBRER  LE  SAINCT  MARIAGE.  1)  II  fault  noter  que  devant  que  celebrer  le  Mariage,  on  le  publie  en  T  Eglise  par  trois  Dimanches:  afin  que  si  quelqu'un  y  scavoit  empeschement,  qu'il  le  vint  denoncer  de  bonne  heure:  ou  si  aucun  y  avoit  interest,  qu'il  s'y  peult  opposer.  Cela  faict,  les  parties  se  viennent  presenter  au  commencement  du  sermon.  Lors,  le  Ministre  dit:  Nostre  aide  soit  an  Nom  de  Dieu,  qui  a  fait  le  Ciel  et  la  terre.  Amen.  Dieu  nostre  Pere,  apres  avoir  cree  le  Ciel  et  la  terre,  et  tout  ce  qui  est  en  iceulx:  il  crea  et  forma  l'homme  a  son  image  et  semblance,  qui  eut  la  domination  et  seigneurie  sur  les  bestes  de  la  terre,  les  poissons  de  la  mer,  les  oyseaulx  du  Ciel,  disant  apres  avoir  cree  l'homme:  II  n'est  pas  bon,  que  l'homme  soit  seul:  faisons  luy  une  aide  sem-  1)  A  partir  de  1547  on  trouve  simplement:  le  Mariage.  L'edition  de  1545  commence  par  V  introduction  suivante:  La  publique  et  solennelle  ceremonie  de  confirmer  les  Mariages  a  este  instituee  par  les  Chrestiens,  afin  que  le  vray  et  legitime  Mariage  fust  en  plus  grand  honneur,  reverence  et  estime,  et  qu'il  ne  se  commibt  fraude  aucune  ne  tromperie  entre  les  parties,  mais  que  tout  se  feist  avec  bonne  foy  et  loyaute:  et  que  L'eglise  prie  pour  le  salut  des  Mariez.  Parquoy  l'office  des  Ministres  de  L'eglise  est  d'annoncer  publicquement  en  la  Chaire  ceux  qui  veulent  estre  conioinctz  ensemble  par  mariage,  approuver  et  confirmer  ledit  mariage  devant  toute  l'assemblee,  et  leur  monstrer  la  dignite  et  excellence  de  l'estat  de  Mariage  par  les  sainctes  lettres.  En  apres  leur  declairer  quel  est  l'office  des  Mariez,  qui  est  comment  le  Mary  doit  traiter  la  femme,  semblablement  la  femme  le  Mary,  afin  qu'ilz  ne  soyent  qu'un.  Et  selon  l'institution  de  Dieu  contenue  en  G-enese  chapitre  deuxiesme,  Matthieu  dixneufiesme,  1  aux  Corinthiens  chapitre  7,  Collos.  chapitre  3,  l  a  Timothe,  Tit.  chap.  2,  1  Pierre,  chapitre  troisiesme.  Desquelz  lieux  ne  sera  point  impertinent  ny  inutile,  que  le  Ministre  prenne  et  recueille  les  adhortations  et  consolations,  faisantes  et  servantes  a  cest  affaire  et  matiere.  Et  afin  que  toutes  choses  se  facent  honnestement,  sainctement  et  deuement  par  bon  et  decent  ordre,  toute  la  compaignie  des  Nopces  doit  entrer  au  Temple  sans  Tabourin  ny  autres  instrumens,  de  Musicque,  pour  ouyr  et  escouter  la  saincte  Parolle  de  Dieu,  qui  leur  sera  administree.