50:203  203  EPIST.  PAULI  AD  GALATAS  204  trare  in  conscientias,  ut  illis  Christus  crucifixus  sentiatur  et  sanguis  eius  stillet.  Ubi  tales  ecclesia  pictores  habet,  minime  amplius  indiget  ligneis  et  lapideis,  hoc  est  mortuis  simulacris  :  minime  picturas  ullas  requirit.  Et  certe  tunc  primum  simulacris  et  picturis  apertae  fuerunt  templorum  fores  apud  Christianos,  quum  partim  obmutuissent  pastores,  essentque  mera  idola:  partim  ita  frigide  et  perfunctorie  pro  suggestu  pauca  verba  facerent,  ut  penitus  exstincta  esset  vis  et  efficacia  ministerii.  2.  Hoc  solum  volo.  Nunc  deintegro  rationibus  causam  suam  confirmat.  Prima  est  ab  illorum  experimento.  Reducit  enim  illis  in  memoriam  qualia  fuerint  exordia  evangelii  apud  ipsos:  spiritum  receperant  audito  evangelio:  ergo  fidei,  non  legi  debebant  acceptum  referre  hoc  bonum.  Hoc  eodem  argumento  utitur  Petrus,  quum  apud  fratres  excusat  quod  incircumcisos  baptizaverim  Item,  Paulus  ipse  et  Barnabas  in  disceptatione  quam  Ierosolymis  de  hac  re  habebant.  Constat  igitur  ingratos  esse  qui  doctrinae  non  acquiescant,  cuius  beneficio  acceperant  spiritum  sanctum.  Quod  illis  responsionem  defert,  non  dubitationis,  sed  maioris  fiduciae  signum  est.  Fateri  enim  cogebantur  verum  id  esse,  propria  experientia  convicti.  Fidem  hic  metonymice  appellat  evangelium,  quod  alibi  (Rom.  3,  7)  vocat  doctrinam  fidei:  quia  illic  nobis  proponitur  mera  Dei  gratia  in  Christo,  sine  operum  meritis.  S  p  i  r  i  t  um  hic  pro  gratia  regenerationis,  quae  communis  est  omnium  fidelium,  accipio.  Quamquam  si  quis  malit  accipere  pro  donis  particularibus,  quibus  tunc  Dominus  evangelii  praedicationem  ornabat,  per  me  erit  liberum.  Si  quis  obiiciat,  non  omnibus  datum  hoc  modo  fuisse  spiritum  :  respondeo,  sufficere  ad  Pauli  intentionem,  quod  Galatae  sciebant  cum  Pauli  doctrina  apparuisse  in  ecclesia  sua  spiritus  sancti  virtutem,  et  in  communem  aedificationem  gratiis  spiritus  varie  fuisse  donatos  fideles.  Si  rursum  obiiciatur,  gratias  illas  non  fuisse  certa  signa  adoptionis,  ideo  nihil  valere  ad  praesentem  causam:  respondeo,  satis  esse  quod  Dominus  Pauli  doctrinam  visibilibus  spiritus  sui  donis  confirmasset.  Sed  alterum  illud  simplicius  est,  quod  communi  adoptionis  beneficio  insigniti  fuerant,  antequam  isti  impostores  sua  additamenta  ingererent.  Ita  etiam  Ephes.  1,  13,  loquitur:  Audito  evangelio  Dei  veraci  obsignati  estis  spiritu,  ete.  3.  Ita  stulti  estis  ut.  Hic  etiam  dubium  est  quid  per  s  p  i  r  i  t  u  m  ,  quid  per  carnem  intelligat.  Variant  interpretes.  Mihi  videtur  allusisse  Paulus  ad  id  quod  dixerat  de  spiritu  :  ac  si  dixisset  :  Quum  evangelii  doctrina  spiritum  sanctum  vobis  attulerit:  ergo  exordium  vestrum  fuit  spirituale.  Nunc  autem  in  deterius  lapsi  estis  :  quasi  qui  ex  spiritu  in  carnem  Jabuntur.  Carnem  ergo  vel  pro  rebus  externis  posuit  et  caducis,  quales  sunt  caeremoniae,  praesertim  quum  a  Christo  separantur,  vel  pro  mortua  et  ca-