5:203  PSYCHOPANNYCHIA.  mino  vivus  l)  spiritus  efficitur,  sic  vivificat,  ut  spiritale  corpus  efficiat:  absumens  omnem  corruptionem,  nullam  metuens  separationem.  Denique,  ut  omnia  illis  concedam  de  anima  vivente  (in  quo  nomine,  ut  iam  dixi,  non  haereo)  illa  tamen  sedes  imaginis  Dei  semper  salva  consistit:  sive  animam,  sive  spiritum,  sive  quidvis  aliud  nominent.  Nec  magis  ad  refellendum  difficile  est  quod  ex  tricesimo  septimo  Ezechielis  capite  obiiciunt:  ubi  propheta  quandam  resurrectionis  hypotyposin  faciens,  vocat  spiritum  a  quatuor  ventis,  qui  vitam  inspiret  aridis  ossibus.  Inde  optime  sibi  colligere  videntur,  hominis  animam  nihil  esse  aliud,  quam  vim  facultatemque  motionis  sine  substantia:  quae  vis  in  morte  quidem  evanescat,  in  resurrectione  vero  iterum  recolligatur.  2)  Quasi  vero  mihi  etiam  non  liceat  eodem  modo  colligere,  spiritum  Dei  aut  ventum  aut  evanidam  motionem3)  esse,  quum  in  prima  sua  visione  Ezechiel  ipse  ventum  nominet,  pro  aeterno  Dei  spiritu.  Sed  homini  non  prorsus  stupido  facilis  erit  solutio  huius  nodi,4)  quam  boni  isti  viri,  pro  sua  vel  inscitia,  vel  ruditate,  non  observant.  Utroque  enim  loco  factum  est,  quod  fieri  subinde  solet  a  prophetis:  qui  res  spirituales  ac  humano  sensu  altiores,  corporeis  ac  visibilibus  symbolis  figurant.  Quum  ergo  Ezechiel  expressa  et  quasi  eiconica5)  [fol.  25J  visione  et  spiritum  Dei  et  hominum  spiritus  sub  oculos  quodammodo  repraesentare  vellet,  idque  esset  a  spirituali  natura  alienum:  similitudinem  sumpsit  a  rebus  corporeis,  quae  imaginis  vice  esset.  Obiiciunt  secundo,  animam,  tametsi  immortalitate  donata  esset,  in  peccatum  tamen  prolapsam:  qua  ruina  immortalitatem  suam  obruerit  ac  perdiderit.  Haec  constituta  erat  poena  peccato,  et  denunciata  primis  parentibus:  Morte  moriemini  (Gen.  2,  17).  Et  Paulus  ait,  stipendium  peccati,  mortem  esse  (Hom.  6,  23).  Et  propheta,  animam  quae  peccaverit,  morituram  clamat  (Ezech.  18,  4).  Haec  illi  aut  similia.  Sed  quaero  primum,  annon  etiam  diabolo  redditum  est  idem  peccati  stipendium?  nec  tamen  ille  sic  mortuus  est,  ut  non  semper  vigilet,  ut  non  circumeat,  quaerens  quem  devoret  (1  Petr.  5,  8),  ut  non  operetur  in  filiis  diffidentiae  (Ephes.  2,  2).  Deinde,  an  omnino  aliquis  finis  futurus  est  eius  mortis,  an  non?  Si  enim  nullus  est,  ut  certe  fateri  eos  oportet:  igitur  illi,  quantumlibet  mortui,  ignem  tamen  aeternum  sentient,  et  vermem  qui  non  moritur.  Haec  nobis  clarum  faciunt,  suam  animae  immortalitatem,  quam  asserimus,  quamque  boni  vel  mali  sensu  constare  dicimus,  etiam  tum  1)  Sic  sola  princeps.  Caetrrae:  unus.  2)  colligatur,  1576  seqq.  3)  monitionem,  1576-1611.  4)  Sic  solae  edd.  primariae  (G-.  difficulte).  Iam  apud  Gallasium  legitur:  huiusmodi  et  sic  habent  omnes  recentiores.  5)  1552  et  1563:  ?챜conica;  1576  seqq.:  iconica  (Gr.  une  vision  pourtraite  au  vif).