30:203  203  HOMILIA  LXI.  204  consuetudo  tamen  istius  populi  est  observanda.  Nam  ex  istis  apparet  populum  suis  sumptibus  militasse:  quae  non  parva  fuit  tentatio:  siquidem  Deus  promiserat  illos  terram  illam  inhabitaturos  placide  et  quiete  quam  ipsis  dabat:  sed  magna  cura  et  sollicitudine  coguntur  domi  vivere  et  parce,  ut  possint  iis  qui  in  castris  erant  victum  et  annonam  suppeditare.  Verum  oportebat  ipsos  agnoscere  se  datam  sibi  libertatem  suo  vitio  perdidisse.  Et  debent  ista  diligenter  a  nobis  in  eruditionem  nostram  expendi.  Nam  fere  fit  ut  nisi  Deus  nobis  ex  animi  nostri  sententia  et  voto  suppeditet  quae  cupimus,  adversus  ipsum  obmurmuremus,  Deumque  velut  in  causam  vocemus,  iis  quae  nobis  ex  mera  liberalitate  dat  non  contenti:  et,  quod  longe  deterius  est,  ad  diffidentiam  sollicitamur,  quum  non  perficit  ea  quae  nobis  persuaseramus  :  et  si  prospera  omnia  polliceatur  non  intueamur,  neque  ipsum  nos  ad  suum  cultum  et  honorem  hortantem  audiamus:  quin  potius  sponte  ipsum  provocemus  et  ipsius  gratias  repellamus.  Quid  mirum  igitur  si  nos  afflictionibus  diutius  premi  permittit,  si  multis  calamitatibus  persequitur,  et  quo  tempore  optaremus/non  adfert  auxilium?  Quare,  inquam,  ista  miraremur  quandoquidem  eius  iram  indesinenter  provocamus,  et  quominus  se  patrem  nobis  ostendat  impedimus?  Itaque  quum  veteres  illos  patres  videmus  non  bene  et  commode  semper  in  terra  illa  promissa  vixisse,  et  non  omnia  ex  animi  sententia  ipsis  successisse  :  sed  saepe  domi  in  summis  angustiis  fuisse,  saepe  foris  ab  hostibus  lacessitus,  et  praedae  ac  rapinis  expositos,  et  in  ancipiti  statu  fuisse,  aliis  adversus  hostes  praeliantibus,  alijs  vero  domi  victum  et  annonam  ipsis  procurantibus,  discamus  nos  ipsos  intueri  et  explorare,  nostrarumque  afflictionum  causam  peccata  nostra  esse  agnoscamus.  Hinc  enim  faciendum  exordium.  Deinde  patienter  feramus  a  Deo  nostram  patientiam  et  obedientiam  explorari,  ac  in  ipsius  timore  semper  ambulemus,  licet  per  ignes  et  aquas  multa  pericula  immineant,  et  multae  calamitates  nobis  paratae  videantur.  Postquam  vero  David  in  castra  venisset,  et  de  fratrum  statu  inquireret,  ecce  auditur  tumultus  ,ad  arma  concurrentium,  et  se  ad  pugnam  utriusque  aciei  parantis  concursus:  et  apparuit  vir  ille  stans  inter  duas  acies,  adscendens  Goliath  nomine,  Philistaeus  de  Gethj  de  castris  Philistinorum,  et  loquente  eo,  audivit  David.  Omnes  autem  Israelitae  quum  vidissent  virum  fugerant  a  facie  eius,  timentes  eum  valde.  Et  dixit  unus  quispiam  de  Israel:  Num  vidistis  virum  hunc  qui  adscendit  ?  ad  exprobrandum  enim  Israeli  adscendit.  Virum  ergo  qui  percusserit  eum  ditabit  rex  divitiis  magnis,  et  filiam  suam  dabit  ei,  et  domum  patris  eius  faciet  absque  tributo  in  Israel.  Sane  audiebant  quidem  omnes  gigantis  provocationem,  sed  alii  alios  intuebantur  attoniti:  nullus  au-