29:203  203  SJiRMON  CXOVHI.  204  qu'il  leur  semble  qu'ils  sont  assez  proveus,  tellement  qu'ils  ne  viennent  point  a  Dieu  comme  par  necessite.  Autant  en  est-il  de  ceux  qui  sont  sains  et  robustes,  qu'ils  ne  cognoissent  point  la  fragilite  de  leur  vie:  bref  nous  sommes  esblouys  cependant  que  les  choses  nous  sont  propres  et  a  souhait  en  ce  monde,  que  nous  ne  recourons  point  a  Dieu,  que  nous  ne  savons  que  c'est  d'estre  conduits  et  gouvernez  par  luy.  Et  pourtant  exercons-nous  en  ceste  doctrine,  c'est  qu'il  nous  faut  habiter  aux  cieux:  que  quand  Dieu  nous  voudra  desoler,  c'est  a  dire,  que  nous  n'aurons  nul  support,  que  nous  serons  desprouveus  de  toute  fiance:  qu'il  ne  faut  point  que  nous  perdions  courage  pour  cela.  Et  la  raison?  pource  que  nostre  seurte  ne  consiste  point  en  tout  ce  que  nous  appercevons  selon  nostre  sens  naturel:  c'est  que  Dieu  nous  garde.  Or  il  est  vray  que  nous  ne  comprendrons  point  sa  main  que  par  foy:  car  elle  est  invisible:  mais  tant  y  a  qu'il  nous  fera  tousiours  sentir  son  secours,  quand  nous  recevrons  sa  parolle:  et  quand  Dieu  nous  declairera  sa  bonte,  sa  vertu  sera  coniointe  avec.  Et  ainsi  en  premier  lieu  que  nous  soyons  retirez  de  toutes  vaines  presomptions,  qui  ont  accoustume  de  nous  decevoir:  et  puis  que  nous  facions  cest  honneur  a  Dieu,  de  nous  reposer  en  luy,  sachant  que  nous  serons  en  seurte,  puis  qu'il  a  le  soin  de  nostre  salut.  Et  cela  doit  encores  mieux  valloir  auiourd'huy  que  iamais.  Car  notamment  il  est  dit  du  regne  de  nostre  Seigneur  Iesus  Christ,  qu'un  chacun  habitera  sous  sa  vigne,  et  sous  son  figuier  seurement.  Quand  donc  nostre  Seigneur  Iesus  Christ  nous  appelle  auiourd'huy  sous  sa  protection,  reposons-nous  hardiment  en  luy:  combien  que  tout  soit  contre  nous,  et  que  ce  qui  est  du  monde  nous  defaille:  que  nous  soyons  asseurez  quoy  qu'il  en  soit,  et  que  ce  mot  soit  bien  imprime  en  nostre  memoire,  qu'Israel,  encores  qu'il  soit  seul,  ne  laissera  point  d'estre  asseure.  Et  pourquoy?  Car  Dieu  est  sa  garde:  son  salut  ne  depend  pas  des  appuis  de  ce  monde,  c'est  assez  que  Dieu  l'ait  prins  en  sa  charge.  Or  il  adiouste  quant  et  quant,  que  Yoeil  ou  la  fontaine  de  Iacob  a  este  sur  la  terre  de  bled  et  de  vin9  et  que  les  cieux  decouhront  la  rousee.  Par  ceci  Moyse  a  signifie  en  somme,  que  si  nous  sommes  le  peuple  de  Dieu,  il  aura  le  soin  de  nous  substanter:  et  que  pource  que  nous  avons  besoin  de  nourriture,  qu'il  nous  en  prouvoira  selon  la  necessite,  qu'il  nous  donnera  a  boire  et  a  manger  a  suffisance.  Il  est  vray  que  le  mot  dont  il  use,  se  peut  prendre  pour  oeil  et  pour  fontaine.  Et  de  faict  les  Hebrieux  appellent  les  fontaines  des  yeux,  pource  que  la  source  de  l'eau,  si  on  la  regarde,  a  la  figure  d'un  oeil  au  corps  de  l'homme.  Si  nous  le  prenons  pour  oeil  en  sa  propre  signification,  c'est  a  dire,  que  le  peuple  de  Dieu  aura  tousiours  son