27:203  203  SERMON  LXXXIV.  204  que  Dieu  nous  donne,  pour  en  iouyr,  voire  selon  qu'il  est  expedient.  Oar  nous  savons  que  ceste  liberte  doit  estre  restrainte:  et  S.  Paul  nous  admoneste,  que  tout  ce  qui  nous  seroit  licite,  n'est  pas  tousiours  utile:  pource  qu'il  n'edifie  pas  nos  prochains.  Mais  quoy  qu'il  en  soit  si  avons-nous  nos  consciences  libres,  que  nous  pouvons  user  de  ce  que  Dieu  nous  a  promis  en  sa  parolle.  Et  ainsi,  en  beuvant  et  mangeant  nous  pourrons  luy  rendre  graces,  voire  d'un  coeur  paisible,  cognoissans  que  c'est  luy  qui  nous  appareille,  et  que  nous  tenons  tout  de  sa  main  :  et  puis  nous  sommes  tousiours  admonnestez  par  ce  moyen-la  qu'il  est  prochain  de  nous,  et  qu'il  estend  sa  providence  iusques  aux  plus  petites  choses.  Car  il  semble  bien  que  le  boire  et  le  manger  ne  soit  pas  une  chose  digne  ou  Dieu  regarde:  mais  il  veut  la  presider,  afin  que  nous  cognoissions  la  solicitude  paternelle  qu'il  a  de  nous,  et  non  seulement  quant  a  nos  ames,  mais  aussi  quant  a  nos  corps,  combien  qu'ils  soyent  caduques  et  corruptibles.  Cependant  Moyse  adiouste  :  Que  le  peuple  se  garde  bien  de  manger  du  sang  de  bestes.  Enquoy  il  monstre  que  nous  devons  tellement  user  des  creatures  de  Dieu,  que  nous  ayons  en  horreur  toute  cruaute.  Car  de  prime  face  il  semble  que  ce  soit  chose  contre  nature,  de  tuer  les  bestes  ausquelles  Dieu  avoit  donne  vie,  qu'on  les  assomme,  qu'on  leur  coupe  les  gorges:  il  semble  que  ce  soit  changer  ce  que  Dieu  avoit  institue,  et  que  les  hommes  prevertissent  tout,  quand  ils  se  donnent  une  telle  licence.  Or  tant  y  a  que  nostre  Seigneur  dit,  qu'on  pourra  manger  licitement  des  bestes,  et  qu'il  les  a  creees  a  l'usage  des  hommes.  Mais  cependant  afin  d'accoustumer  son  peuple  a  humanite,  il  dit  qu'il  s'abstiendra  du  sang.  Or  ceci  a  este  pour  le  temps  de  la  Loy,  et  des  ceremonies.  Car  comme  desia  nous  avons  veu,  nostre  Seigneur  a  gouverne  ce  peuple  ancien  comme  des  petis  enfans:  et  nous  savons  qu'on  ne  se  contente  pas  d'enseigner  aux  petits  enfans  ce  qui  est  bon:  mais  pource  qu'ils  n'ont  point  encores  la  capacite  d'user  des  choses,  comme  ceux  qui  sont  parvenus  en  aage  d'homme,  on  leur  deffend,  et  ne  leur  permet-  on  point  d'user  de  ce  qui  de  soy  leur  est  licite.  Comme  quoy?  On  chastiera  un  enfant  s'il  manie  un  cousteau;  car  il  ne  sait  point  encores  quel  en  est  l'usage.  Ainsi  donc  nostre  Seigneur  a  eu  comme  une  doctrine  puerile,  et  comme  des  rudimens,  ainsi  que  nous  dirons  l'a,  b,  c,  pour  conduire  ce  peuple  qui  estoit  encores  rude  et  foible:  mais  si  est-ce  que  nous  savons  la  fin  et  l'intention  de  la  Loy,  quand  il  falloit  s'abstenir  du  sang  des  bestes.  Car  Dieu  a  voulu  que  les  hommes  eussent  en  horreur  toute  cruaute.  Et  de  cela  l'exposition  en  est  donnee  par  Moyse  au  9.  chap.  de  Genese.  Car  apres  le  deluge  Dieu  declaire  que  les  hommes  pourront  bien  manger  des  bestes,  moyennant  qu'ils  s'abstiennent