20:203  203  EPISTOLAE  4052-4054  204  dum  pateretur  filio  tam  propinquum  esse.  Respondit  illa,  veterem  esse  Regis  ministrum,  nec  causam  esse  cur  prohiberetur,  deinde  ita  Regi  placere:  verum  simul  esse  omnibus  satis  loci,  se  ergo  monere  ut  venirent.  Quod  factum  non  est.  Curia  vero  deprecatores  misit  ad  Connestabilem  ut  nepotis  sui  animum  placaret.  Idem  factum  a  magistro  civium  et  decurionibus.  Rex  in  curiam  venturus  erat  et  Admirandum  secum  ducturus.  Brevi  audiemus  quem  exitum  habuerit  actio,  de  qua  tamen  nostri  optime  sperant.  Exspectabantur  in  aula  princeps  Portianus  et  dux  BuMonius  filius  Mar  chiani,  et  famosi  illius  Bdberti  pronepos,  qui  duo  infensissimi  sunt  Guysianis.  Cancellarius,  qui  noster  erat,  nunc  animum  ex  timiditate  colliget.  Rex  sub  colore  visendae  sororis  puerperae  in  Lotharingiam  a  matre  trahebatur,  et  ita  obstinate  pergebat  Attalia  ut  frustra  omnes  adversarentur.  Nunc  consilium  illius  profectionis  mutatum  esse  dicunt.  Ad  pacem  cum  Anglis  transigendam  intenti  sunt  omnium  animi.  Hoc  modo  fiet  ut  cum  summo  dedecore  concidant  artes  omnes  Cardinalis  Lofharingici.  Rex,  titulo  tenus  maior,  alieno  arbitrio  regitur,  et  quidem  prope  >  serviliter.  A  nobis  quidem  non  esset  alienus  si  quid  auderet.  Interea  vix  credas  quantum  sit  in  cunctis  iuris  praefectis  audaciae  ad  nostros  opprimendos.  Itaque  misere  vexantur  innocentes  et  crescit  impunitate  licentia.  Aurelianis  unum  ex  voto  contigit,  quod  inde  abductum  est  praesidium,  sicuti  ex  aliis  locis.  Quare  te  in  tempore  moneo  ut  vicinis  qui  cito  redibunt  viaticum  parandum  cures.  Nunc  venio  ad  rem  omnium  maxime  seriam,  et  ad  quam  te  animum  adiicere  et  studium  applicare  cupio.  Scis  iam  instare  tempus  quo  foedus  cum  Helvetiis  renovetur.5)  Si  adduci  queat  senatus  vester  ut  cum  Rege  societatem  ineat,  hoc  unum  compendium  est  stabiliendi  in  Gallia  evangelii.  Nescio  an  de  hostium  conspiratione  audieris.  Putant,  ubi  indictum  fuerit  nationale  concilium,  sibi  facile  et  expeditum  fore  omnes  ecclesias  momento  evertere,  quia  et  quidvis  suo  arbitrio  decernent  et  parata  erit  exsequutio.  Papa  interim  cum  Hispano,  Venetis,  Italiae  principibus  et  Sabaudo  se  ad  hanc  urbem  prorsus  delendam  nosque  omnes  e  medio  tollendos  instruit.  Metuunt  boni  ne  Regis  mater,  nisi  iniectum  fuerit  fraenum,  ad  eorum  factionem  iuvandam  nimium  sit  propensa.  Hoc  vero  et  tutissimum  et  unicum  fere  remedium  esset,  si  Helveticae  civitates  quae  evangelium  amplexae  sunt,  hac  lege  foedus  percutiant  ut  cautum  sit  Gallicis  ecclesiis  earumque  5)  Post  Calvini  mortem  demum  de  isto  foedere  sanciendo  Mareschallus  de  Vieittevffle  et  episcopus  Lemovicensis  in  Helvetiam  missi  sunt  Qui  d.  15.  Aug,  1564  Bernam,  3.  Sept  Turicum  advecti  repulsam  tulerunt.