15:203  203  EPISTOLAE  1992.IMA  204  Si  ecclesiae  omnes  facerent  officium,  veraque  vigeret  sanctorum  communio,  dies  et  noctes  communes  fierent  preces.  Nunc  qui  pro  evangelio  stant,  causam  habent  quam  iustissimam  eos  tuendi:  nam  si  pro  gloria  Domini  hic  se  strenue  gesserint  necesse  est  eos  victores  evadere,  et  pietatis  hostes  victos  succumbere.  Quod  plane  est  videre  in  causa  Domini  pure  suscepta,  non  tantum  in  eos,  quibus  merito  adesse  debemus,  utpote  nobis  commissis,  cuiusmodi  sunt  Locarnenses,  piis  qui  evangelio  nomen  dederunt  quamvis  non  solis.  Verum  etiam  id  patet  erga  eos,  qui  nobis  subditi  non  sunt,  qui  in  iusta  causa  opem  ferunt,  Dominum  adesse  sentiunt.  Quis  non  videt  hanc  esse  omnium  iustissimam  causam,  ubi  quis  petit,  ut  liceat  et  detur  pie  et  sancte  secundum  Deum  vivere,  et  quod  prohibetur,  ideo  prohiberi,  quia  malum  sit  et  fieri  non  debeat.  Aequitas  causae,  ubi  quis  nihil  nisi  ea  quae  iustissima  sunt,  petit,  et  ea  qua  decet  modestia,  modo  et  ratione,  adeo  ut  qui  petit,  nihil  omittat  eorum  quae  oportet,  quin  plura  offert  quam  par  sit  quantum  addit  petenti  et  quantum  aufert  reluctanti?  Deus  optimus  et  potentissimus  ita  agat  corda  piorum  ut  sapientissime,  modestissime  ac  constantissime  hic  se  gerant.  Memini  quid  diceretur  dum  Genevae  essem,  semper  admonebamur  ab  Arctopolitanis:  Date  operam  ne  quid  queri  de  vobis  adversarii  possint,  sed  pro  vobis  ius  ac  aequum  stet.  Fecit  Dominus  ut  pusillus  grex,  qui  etiam  domi  erat  in  longe  maiori  luporum  numero  interseptus  et  foris  nihil  non  habebat  adversum,  omnia  ferens  salvus  evaserit.  Magdeburgum7)  non  aliud  loquitur:  ne  longiora  et  antiquiora  petam.  Hic  quum  causa  sit  Domini,  prorsus  ab  eo  est  petendum.  Si  alia  quis  intueatur,  aut  numerum  aut  sapientiam  vel  quidvis  aliud,  male  cedit.  Vult  Dominus  gloriam  apud  se  esse.  Tantum  hoc  sit,  haec  est  causa  Domini,  iustissima,  sanctissima:  non  possumus  contra  neque  secus  agere,  hoc  nos  iubet  Dominus,  quidquid  inde  sequatur,  parendum  est  nobis,  non  secus  quam  Abrahamus  egit  iussus  filium  immolare,  et  nos  parebimus.  Faciat  Dominus  quod  bonum  est,  ut  sancte  scribis,  in  oculis  suis.  Non  immerito  prudens  et  videns  moveris,  vix  enim  a  foedere  icto  inter  Helvetios  aliquid  tantae  molis,  et  quod  tanta  secum  ferat,  contigit.  Si  omnia  essent  quam  pacatissima,  tantum  hoc  dissidii  suboriretur,  hostis  ille  antiquus  facile  posset  inde  horrenda  excitare,  quae  vix  finem  haberent:  nunc  in  tanto  incendio  omnibus  flagrantibus  quid  non  faciet?  Verum  vivit  Dominus,  cuius  est  causa  quam  prodere  non  oportet,  sed  plena  in  Deum  fiducia  eam  tueri,  et  nihil