1:203  [CO  1.  203]  simus  per  subiectionem,  ut  evangelii  veritas  maneret  apud  vos  (Gal.  2).  Habemus  et  necessitatem  vindicandae  libertatis,  si  per  iniquas  exactiones  pseudapostolorum  ea  infirmis  conscientiis  periclitatur.  Ubique  studendum  caritati  et  spectanda  proximi  aedificatio.  Omnia,  inquit  alibi  (1  Cor.  10),  mihi  licent,  at  omnia  non  expediunt.  Omnia  mihi  licent,  at  non  omnia  aedificant.  Nemo  quod  suum  est  quaerat,  sed  quod  alterius.  Nihil  iam  hac  regula  expeditius  quam,  utendum  libertate  nostra,  si  in  proximi  nostri  aedificationem  cedat;  sin  ita  proximo  non  expediat,  ea  tunc  abstinendum. [p. 416]  Sunt  qui  Paulinam  prudentiam  simulant  in  abstinentia  libertatis,  nihil  minus  quam  in  officia  caritatis  eam  conferentes.  Suae  enim  quieti  ut  consulant,  omnem  libertatis  mentionem  sepultam  optant,  cum  non  minus  intersit  proximorum,  libertatem  in  eorum  bonum  et  aedificationem  interdum  usurpare,  quam  pro  ipsorum  commodo,  eam  loco  moderari.  Quidquid  autem  de  cavendis  offendiculis  docui,  ad  res  medias  et  indifferentes  referri  volo.  Nam  quae  necessaria  sunt  factu,  nullius  offendiculi  timore  omittenda  sunt.  Equidem  et  hic  caritatis  rationem  haberi  decet,  sed  usque  ad  aras:  hoc  est,  ne  in  gratiam  proximi  Deum  offendamus.  Non  probo  eorum  intemperiem,  qui  nihil  nisi  tumultuando  agunt  et  qui  perrumpere  omnia  malunt  quam  dissuere.  At  nec  eos  audio,  qui  cum  in  mille  impietatis  formas  duces  se  praebent,  sic  sibi  agendum  fingunt,  ne  proximis  sint  offendiculo,  quasi  non  interim  proximorum  conscientias  in  malum  aedificent:  praesertim  ubi  nulla  spe  exitus,  in  eodem  semper  haerent  luto  (1  Cor.  8).  Et  suaves  homines,  seu  doctrina,  seu  vitae  exemplo  sit  instituendus  proximus,  aiunt  lacte  pascendum  esse,  quem  pessimis  exitialibusque  opinionibus  imbuunt.  Lactis  potu  se  aluisse  Corinthios  Paulus  com-  [OS  232]  memorat  (1  Cor.  3).  Sed  si  tum  inter  eos  fuisset  missa,  an  sacrificasset  ad  praebendum [p. 417]  ipsis  lactis  pastum?  At  lac  venenum  non  est.  Mentiuntur  ergo,  se  alere  quos  sub  blanditiarum  specie  crudeliter  necant.  Atque  ut  demus,  probandam  ad  tempus  istiusmodi  dissimulationem,  quousque  tamen  pueros  suos  eodem  potabunt  lacte?  Nam  si  nunquam  grandescunt,  ut  vel  tenuem  saltem  aliquem  cibum  ferre  possint,  nec  lacte  fuisse  unquam  educatos  certum  est.  Iam  vero  cum  hac  libertatis  praegorativa,  qualem  antea  descripsimus,  donatae  fideles  conscientiae,  in  Christi  beneficio  consecutae  sint  ne  ullis  observationum  laqueis  in  iis  rebus  implicentur,  in  quibus  eas  esse  liberas  Dominus  voluit,  omnium  hominum  potestate  exemtas  esse  constituimus.  Est  enim  indignum,  aut  Christo  gratiam  tantae  suae  liberalitatis  perire:  aut  conscientiis  ipsis  fructum.  Neque  res  levicula  existimanda  nobis  est,  quam  videmus  tanti  Christo  constitisse.  Utpote,  quam  non  auro