9:202  spiritum  negabunt  vocari,  quia  sunt  spiritualia?  Hoc  autem  concesso  inferre  promptum  erit  eiusdem  quoque  naturae  esse  manducationem  de  qua  loquitur.  Octavum  argumentum  proferunt:  Omnes  sacramentales  loquutiones  parem  habent  rationem:  ratio  autem  est,  nomen  rei  transferri  ad  signum,  ergo  talis  est  metonymia  in  verbis  coenae.  Maiorem  ita  restringunt:  Quando  sunt  eiusdem  generis  ac  temporis.  Negant  autein  in  sacramentis  veteris  et  novi  testamenti  idem  esse  genus,  quia  in  veteri  testamento  proferebantur  figurae  et  umbrae,  in  novo  res  ipsa  luculenter  exhibetur,  sicuti  expresse  verba  sonant:  Hoc  est  corpus  meum.  Atqui  si  de  verbis  est  disceptatio,  eadem  in  veteri  quoque  [pag.  180]  testamento  leguntur,  nec  magis  dilucida  est  loquendi  forma:  Hoc  est  corpus  meum,  quam:  Agnus  est  transitus,  Circumcisio  est  foedus  meum.  Desinant  ergo  inane  obtendere  praeiudicium  ex  verbis,  de  quorum  sensu  et  intelligentia  lis  inter  nos  pendet.  Iam  diversitas  haec,  quam  obtendunt,  Serveticum  delirium  sapit,  ac  si  sancti  patres  nudis  figuris  contenti  nullam  habuissent  nobiscum  donorum  spiritualium  societatem.  Fateor  quidem  rerum  futurarum  propositas  illis  fuisse  umbras,  modo  hoc  vicissim  constet,  Christum  illis  ^imul  etiam  fuisse  propositum,  ne  inanibus  figuris  l)  delusos  fuisse  putemus.  Certe  eodem  sensu  agnus  illis  fuit  pascha,  et  circumcisio  foedus,  quo  nobis  hodie  panis  est  corpus.  Nam  quod  causantur,  ex  quo  exhibitus  est  mundo  Christus,  non  amplius  esse  typis  locum,  non  solum  ex  foeda  ignorantia  manat,  sed  palam  ostendit  eos  superbo  contemptu  Christi  gratiam  respuere.  Siccine  perfecta  est  illis  fides,  ut  [pag.  181]  reiectis  typorum  adminiculis,  Christum  praesentem  capiant?  Et  quorsum  coenam  ac  baptismum  instituit  Christus,  nisi  ut  typorum  vehiculis  nos  ad  se  sursum  erigens  infirmitati  nostrae  consuleret?  Fateor  quidem  corpus  et  substantiam  eorum  quae  lex  adumbrabat  hodie  in  Christo  constare,  sicuti  aperte  docet  Paulus:  modo  hoc  ad  diversos  significandi  modos  referatur,  non  autem  prorsus  tollatur  a  nobis  signorum  usus,  quem  non  minus  nobis  esse  necessarium  quam  vetustis  patribus  experientia  demonstrat.  Caeterum  ut  se  Magdeburgenses  expediant,  pueriliter  ludunt  in  voce  peccati,  dum  hostia  nominatur  peccatum.  Quasi  vero  hoc  testimonio  nos  utamur.  Cur  non  potius  ad  alia  respondent,  quibus  diluendis  nulla  eorum  garrulitas  sufficiet?  Sanguis  pecudis  expiatio  esse  dicitur,  circumcisio  vocatur  foedus,  et  agnus  pascha,  denique  petra  vocatur2)  Christus.  1)  comme  a  des  iouets  de  petits  enfans.  2)  foedus  .  .  .  .  vocatur.  Haec  per  homoeoteleuton  exd*  derunt  in  edd.  Beza  et  Amst.