7:202  avec  Sathan,  et  les  puissances  d'enfer:  veu  qu'ilz  n'en  font  point  de  cas.  Or  l'esprit  de  Dieu  nous  parle  bien  en  autre  sorte  de  la  regeneration.  Il  est  vray  que  quand  nous  n'aurions  nulle  escri  ture,  la  raison  humaine  nous  suffiroit  desia  bien.  Ie  ne  dis  pas  la  raison  laquelle  est  condamnee  pour  follie,  a  cause  de  l'aveuglement  qui  est  en  nous  par  le  pecho.  !)  Mais  i'entens  le  sens  que  Dieu  a  imprime  de  nature  en  noz  eu  eurs:  a  fin  de  rendre  les  infideles  inexcusables,  et  leur  oster  [page  129]  toute  couleur  d'ignorance.  Ce  sens  donc  naturel  qui  QEb  comme  un  edict  engrave  en  nous  de  la  main  de  Dieu,  nous  dicte  et  monstre  assez,  que  la  vie  saincte  et  vertueuse,  que  chacun  confesse  estre  le  fruict  de  la  regeneration  Chrestienne,  n'est  pas  ignorer  le  bien  et  le  mal:  mais  plustost  discerner  entre  l'un  et  l'autre,  pour  se  garder  pur  de  toute  iniquite,  et  avoir  bon  tesmoignage  de  sa  conscience  devant  Dieu,  et  de  ses  oeuvres  devant  les  hommes.  Voila  le  sens  naturel  que  Dieu  a  donne,  comme  dict  sainct  Paul,  des  le  commencement  a,  tous  les  Payens  (Rom.  2,  15).  Touchant  de  l'escriture,  elle  nous  enseigne  bien  encor  plus  clairement,  quel  est  l'estat  des  regenerez.  Ce  ne  est  pas  pour  nous  rendre  nonchallans,  en  suyvant  sans  discretion  ce  qui  nous  sera  a  gre:  mais  au  contraire  pour  nous  rendre  plus  vigilans  que  iamais,  et  de  cheminer  avec  plus  grand  prudence  et  solicitude  qu'auparavant.  Car  elle  nous  admoneste  que  le  diable  nostre  ennemy,  est  tousiours  apres,  circuissant  pour  [page  130]  trouver  quelque  proye  (1  Pierre  5,  7):  et  pourtant  que  nous  devons  estre  tousiours  au  guet,  de  peur  qu'il  ne  nous  surprenne:  que  nous  devons  resister  a  -ses  tentations  (Ephes.  6,  12):  semblablement  qu'il  nous  faut  avoir  guerre  continuelle  contre  nostre  chair  et  les  concupiscences  vitieuses,  qui  nous  incitent  K  mal  (Gal.  5,  17):  que  le  peche  habite  en  nous,  auquel  il  nous  convient  resister.  Ce  n'est  pas  aussi  pour  nous  endormir,  a  ce  que  nous  n'ayons  plus  aucun  remors,  ne  desplaisance  de  noz  fautes,  veu  qu'elle  dit  que  le  iuste  s'accuse  soymesme,  et  prononce  l'homme  bien  heureux  quand  il  solicite  son  cueur  a  crainte,  reduisant  en  memoire  le  iugement  de  Dieu,  pour  s'humilier  et  se  tenir  en  bride  (Prov.  28,  14).  Mais  encor  pour  avoir  une  brieve  et  claire  definition  du  total,  la  doctrine  de  l'escriture  est,  que  la  regeneration  consiste  en  penitence.  Car  penitence,  a  proprement  parler,  n'est  autre  chose  que  de  renoncer  a  nous  mesmes,  pour  estre  nouvelles  creatures  a  vivre  selon  Dieu.  Or  chacun  sait  que  cela  emporte:  Si  c'est  pour  [page  131]  faire  bonne  chere,  sans  nous  soucier  de  rien,2)  en  chan-  1)  par  le  peche,  manque  dans  la  traduction.  X)  sans  nous  soucier  de  nen,  est  omis  dans  la  traduction*