52:202  significat  :  quemadmodum  et  undecimo  capite  Iesaiae  (  l  l  ,  4),  ad  quem  locum  alludere  videtur  Paulus:  nam  illic  propheta  sceptrum  oris  et  spiritum  labiorum  pro  eodem  accipit:  atque  his  quoque  ipsis  armis  instruit  Christum,  ut  hostes  suos  profliget.  Haec  insignis  est  verae  sanaeque  doctrinae  commendatio,  quod  ad  omnem  impietatem  abolendam  sufficere,  et  contra  omnes  Satanae  machinas  semper  fore  victrix  dicitur.  Sicuti  dum  paulo  post  eius  praedicatio  dicitur  Christi  ad  nos  adventus.  Quum  addit  Paulus,  illustrationem  adventus,  significat  eam  fore  adspectus  Cbristi  lucem  quae  tenebras  Antichristi  absorbeat:  interea  tacite  subindicat  Antichristo  permissum  iri  regnandi  vices,  quum  se  Christus  veluti  subduxerit.  Quemadmodum  accidere  solet,  quoties  se  offerenti  tergum  obvertimus.  Et  certe  fuit  tristis  ille  Christi  discessus,  quum  lucem  suam  male  et  indigne  exceptam  hominibus  abstulit:  quemadmodum  sequitur.  Interim  docet  Paulus,  sola  eius  praesentia  contra  omnes  Satanae  astutias  satis  tutos  fore  omnes  Dei  electos.  9.  Cuius  adventus  est  secundum  operationem  Satanae,  in  omni  potentia,  et  signis  et  prodigiis  mendacibus,  10.  et  in  omni  deceptione  iniustitiae^  in  iis  qui  pereunt:  pro  eo  quod  dilectionem  veritatis  non  sunt  amplexi,  ut  salvi  fierent,  ll.  Propterea  mittet  illis  Deus  operationem  imposturae,  ut  credant  mendacio:  12.  ut  iudicentur  omnes  qui  non  crediderunt  veritati,  sed  oblectati  sunt  iniustitia.  9.  Cuius  adventus.  Confirmat  quod  dixit  argumento  a  contrariis.  Nam  quum  Antichristus  non  consistat  nisi  Satanae  imposturis:  simulatque  illucet  Christus,  necesse  est  ipsum  evanescere.  Denique  quia  tantum  in  tenebris  regnat,  dies  exoriens  regni  illius  caliginem  profligat  et  exstinguit.  Tenemus  nunc  apostoli  consilium  :  docere  enim  voluit,  nullam  fore  Christo  difficultatem  in  destruenda  Antichristi  tyrannide,  quae  nullis  nisi  Satanae  praesidiis  fulta  est.  Interea  tamen  notas  adscribit  quibus  ille  perditus  discerni  queat.  Postquam  enim  de  operatione,  vel  efficacia  Satanae  loquutus  est,  specialiter  eam  designat,  quum  addit,  in  signis  et  prodigiis  mendacibus,  et  in  omni  deceptione.  Et  sane  ut  regno  Christi  hoc  sit  contrarium,  partim  in  falsa  doctrina  et  erroribus,  partim  in  fictis  miraculis  situm  esse  oportet.  Continetur  enim  Christi  regnum  doctrina  veritatis  et  spiritus  virtute.  Ergo  Satan,  ut  in  vicarii  sui  persona  Christo  se  opponat,  induit  Christi  larvam  :  simul  tamen  arma  deligit  quibus  recta  Christum  oppugnet.  Christus  evangelii  sui  doctrina  mentes  nostras  in  vitam  aeternam  illustrat:  Antichristus,  Satanae  magisterio  edoctus,  impia  doctrina  impios  constringit  in  exitium.  Christus  spiritus  sui  potentiam  ad  salvandum  exserit,  et