51:202  phetas  et  evangelium  amplexi,  fructum  hunc,  quem  praedicat  Paulus,  non  dubitemus  nos  inde  percepturos,  ne  quid  nobis  noceant  omnes  hominum  imposturae.  Adorientur  quidem  nos,  sed  non  praevalebunt.  Fateor  sane,  ab  ecclesia  petendam  esse  sanam  doctrinam:  quia  illi  dispensationem  commisit  Deus.  Sed  quum  papistae,  ecclesiae  praetextu,  doctrinam  sepeliunt,  satis  produnt  se  diabolicam  habere  synagogam.  Quod  ego  verti  a  s  t  u  t  i  a  m  ,  graecum  nomen  est  xufteta,  translatum  ab  aleatoribus:  quod  inter  eos  multae  sint  fallendi  artes.  Additur  rcavoupyta:  quo  verbo  significat,  exercitatos  esse  in  fallaciis  Satanae  ministros.  Huc  accedit,  quod  ad  struendas  insidias  excubant:  quae  omnia  excitare  et  acuere  studium  nostrum  debent,  ne,  si  proficere  negligamus  in  verbo  Domini,  ab  hostibus  circumventi,  nimis  severas  ignaviae  nostrae  poenae  demus.  15.  Veritatem  autem  sectantes  in  caritate,  crescamus  in  eum  per  omnia,  qui  est  caput,  nempe  Christum.  16.  Ex  quo  totum  corpus  compositum  et  compactum  per  omnem  iuncturam  subministrationis,  secundum  efficaciam  in  mensura  uniuscuiusque  partis,  incrementum  corporis  facit  in  aedificationem  sui,  in  caritate.  15.  Veritatem  autem.  Iam  docuit  nos  non  debere  esse  pueros,  ratione  et  iudicio  destitutos.  Id  ut  confirmet,  iubet  nos  crescere  in  veritate:  atque  id  est  quod  prius  dixi,  ita  nos  adhuc  distare  a  virili  aetate,  ut  tamen  simus  pueris  maiores.  Tantum  enim  firmitudinis  debet  in  nobis  habere  Dei  veritas,  ne  unquam  moveamur  de  gradu,  quibuscunque  machinis  nos  Satan  impetat.  Et  tamen  quia  nondum  adepti  sumus  plenum  et  iustum  robur,  proficiendum  est  usque  ad  mortem.  Finem  profectus  demonstrat,  ut  solus  Christus  inter  nos  emineat:  nosque  nonnisi  in  ipso  fortes  simus  aut  proceri.  Iterum  hic  vides  ut  neminem  hominum  excipiat,  quin  omnes  in  ordinem  cogantur,  ut  se  corpori  subiiciant.  Quid  est  igitur  papatus,  nisi  deformis  gibbus,  qui  totam  ecclesiae  symmetriam  confundit,  dum  unus  homo  capiti  se  opponens,  e  membrorum  numero  se  eximit?  Hoc  negant  papistae:  quia  papam  duntaxat  ministeriale  caput  esse  fingunt.  Sed  illo  cavillo  non  effugiunt,  quin  tamen  idoli  sui  tyrannis  sit  prorsus  ordini  adversa,  quem  Paulus  hic  commendat.  Summa,  Christum  unum  crescere  oportet,  omnes  autem  minui,  ut  bene  composita  sit  ecclesia.  Quidquid  autem  augmenti  acquirimus,  ea  proportione  modificari  debet,  ut  in  gradu  nostro  manentes,  extollendo  capiti  serviamus.  Quum  autem  iubet  nos  veritati  operam  dare  in  caritate,  particulam  in,  more  hebraico,  accipit  pro  cum.  Non  enim  vult  singulos  sibi  addictos  esse,  sed  veritatis  studio  adiungere  etiam  mutuae  com-