5:202  nihil  mirum,  si  sine  corpore  subsistat,  nec  pereat  instar  brutarum,  quae  nihil  aliud  habent,  quam  sensus  corporeos.  Qua  ratione  non  erubuit  Paulus,  post  ethnicum  illum  poetam,  genus  nos  Dei  appellare  (Act.  17,  28).  Itaque  iam,  ut  volent,  communicent  beluis  animam  viventem  cum  homine,  quum  eadem  prorsus  vita  sit  omnibus,  ^quantum  ad  corpus  attinet:  verum  ex  eo  gradum  sibi  facere  non  possunt  ad  confundendam  cum  beluis  hominis  animam.  Neque  mihi  obtrudant  apostoli  verbum,  quod  magis  nobiscum,  quam  contra  nos  pugnat.  Factus  est  primus  Adam  in  animam  viventem,  novissimus  in  spiritum  vivificantem.  Est  enim  antypophora  1)  ad  eorum  quaestionem,  qui  de  resurrectione  persuaderi  non  poterant.  Sic  enim  obiiciebant:  Quomodo  resurgunt  mortui?  Quali  corpore  venient?  Cui  obiectioni  ut  occurrat  apostolus,  sic  eos  aggreditur:  Si  usu  discimus,  semen  quod  vivit,  quod  crescit,  quod  fructum  reddit,  prius  mortuum  esse:  cur  non  instar  seminis  corpus  quod  mortuum  fuerit  resurgere  potest?  Et,  si  nudum  ac  siccum  granum  sementem  [fol.  24]  refert  uberiorem,  postquam  mortuum  fuerit,  virtute  mirabili  quam  illi  Deus  indidit:  cur  non  eadem  Dei  virtute  corpus  suscitabitur  melius  quam  mortuum  fuerat?  Et  ne  adhuc  mireris:  unde  vivit  homo,  nisi  quia  formatus  est  in  animam  viventem?  Haec  tamen  anima,  tametsi  ad  tempus  molem  corporis  agitat  ac  sustinet,  non  tamen  dat  illi  immortalitatem  aut  incorruptionem:  et  quamdiu  etiam  suam  vim  exserit,  non  tamen  per  se  ipsa  sufficit,  sine  adminiculis  cibi,  potus,  somni,  quae  signa  sunt  corruptionis:  nec  constantem  illi  ac  continentem  dat  statum,  quin  aliis  atque  aliis  inclinationibus  subiectum  sit.  Ubi  autem  Christus  nos  secum  assumpserit  in  gloriam,  non  solum  erit  animale  corpus,  ab  anima  vivificatum:  sed  spirituale,  quale  nec  mens  nostra  cogitare,  nec  lingua  exprimere  potest.  Vides  igitur  nos  non  aliud  futuros  in  resurrectione,  sed  tamen  alios:  detur  verbo  venia.2)  Atque  haec  quidem  de  corpore  dicta  sunt,  cui  anima  sub  elementis  huius  mundi  vitam  administrat:  ubi  autem  figura  huius  mundi  praeterierit,  participatio  gloriae  Dei  id  supra  naturam  evehet.  Habemus  verum  ac  germanum  apostoli  sensum.  In  quo  explicando  quum  lapsus  esset  Augustinus  (ut  nunc  isti),  errorem  postea  agnovit,  ac  correxit  inter  suas  retractationes:  3)  et  alibi  etiam  multo  apertius  id  ipsum  tractat.  Ex  quo  loco  pauca  transcribemus.  Anima  in  corpore  animali  vivit  quidem:  sed  non  vivificat  usque  ad  auferendam  corruptionem.  In  corpore  vero  spiritali,  quando  adhaerens  perfecte  Do-  1)  Becentiores  (1576  seqq  )  hoc  vocabulum  rartus  obvium  ignorantes  scripserunt:  antipophora,  quum  emendare  debuissent:  anthypophora.  Gallus  bene  vertit:  Cest  une  response  a  1'obiection.  2)  Sic  loquitur  Tertullianus  et  Augustinus  epist.  3.  ad  Fortunat.  3)  Cap.  10.  Epist.  146.  Consentio.