30:202  cere,  viamque  quam  nos  sequi  velit  aperire.  Verumtamen  ut  deiiciamur  et  humiliemur,  et  illi  gloria  omnis  tribuatur,  nos  ad  aliquod  tempus  ignaros  voluntatis  ipsius  ducit,  et  tamen  ita  regit  ut  ad  optatum  finem  deducat,  opusque  suum  perficiat.  Atque  ista  satis  usitata  sunt,  modo  velimus  observare.  Quam  multos  enim  videas  Dei  servos  in  qualibet  vitae  conditione,  et  variis  functionibus  quorum  opera  Deus  utitur,  et  ratione  admiranda  et  non  usitata  suum  opus  per  ipsos  perficit,  quos  si  tamen  intuearis,  et  quomodo  praeparaverint  se  ipsos,  et  quae  initia  fuerint  eorum  quae  Deus  per  ipsos  effecit,  illos  nunquam  cogitasse  de  istis,  sed  ab  iis  semper  potius  alienos  fuibse,  et  in  contrarium  spectasse,  et  a  Deo  repente  afflatos  et  impulsos  comperies.  Hic  igitur  diligenter  animadvertamus,  Deo  volente  nostris  laboribus  benedicere,  et  uti  nostra  opera  ad  ecclesiae  suae  commodum,  et  ad  sui  nominis  gloriam,  non  offerri  nobis  ullam  occasionem  gloriandi,  et  nos  efferendi,  siquidem  operis  primordia  et  primi  motus  non  a  nobis  proficiscuntur:  sed  potius  agnoscendum  nos  omnia  Deo  accepta  referre  debere,  a  quo  tanquam  caeci  deducti  sumus  :  ac  proinde  non  nostris  viribus,  non  industriae  nostrae,  quidquid  laude  dignum  a  nobis  gestum  est,  attribuendum,  sed  uni  Deo  gloriam  omnem  tribuendam.  Haec  itaque  meditemur  in  illorum  verborum  expositione,  Davidem  venisse  in  castra,  nullum  alium  in  finem  quam  ut  fratres  visitaret,  ipsorumque  statum  patri  referret:  ac  proinde  fuisse  futurorum  ignarum,  quae  tamen  Deus  noverat  et  ipsum  ad  illa  perficienda  deducebat,  cuius  rei  deinde  fidem  fecit  exitus.  Porro  sequitur  patrem  misisse  filiis  qui  in  castris  erant,  ephi  polentae,  puta  ad  pultem  conficiendam,  quod  quum  in  tabernaculis  essent  non  facile  carnes,  aut  pisces,  aut  aliud  tale  opsonium  nancisci  poterant.  Et  praeterea  quod  in  illis  orientalibus  regionibus  longe  maior  servaretur  sobrietas  quam  in  quibus  vivimus.  Et  istud  etiam  hodie  videre  licet  in  Turcis,  qui  parvo  contenti  vivunt,  quum  aliis  qui  aliter  assueverunt  multum  obsoniorum  vix  sufficiat.  Ergo  ex  regionis  illius  more  Isai  filiis  mittit  aliquantulum  polentae,  cum  decem  panibus  :  quibus  adiicit  decem  formulas  casei  ad  tribunum  deferendas,  vel  decem  recentes  ac  molles  caseos,  vox  enim  Hebraea  ambigua  est,  et  pro  formulis,  vel  pro  mollibus  caseis  accipi  potest:  et  malim  de  mollibus  caseis  intelligere,  sed  parvulis  et  non  magni  pretii.  Deinde  fit  mentio  pignorum:  quum  ait  Isai,  pignora  eorum  tolles:  quod  varie  solet  exponi  :  Alii  enim  de  symbolo  accipiunt,  quod  solebant  accipere  ne  viderentur  exploratores  in  castris.  Alii  pignora  intelligunt,  quae  dederant  fratres,  ut  iubeat  Davidem  solvere  quod  mutuo  acceperant,  et  pignora  ad  se  referre.  Sed  non  sunt  ista  tanti  momenti  ut  sit  in  illis  diutius  immorandum: