29:202  ques  avec  ses  voisins:  mais  si  est-ce  que  Dieu  l'avoit  recueilli,  pour  dire:  Tous  serez  purifiez  pour  ne  plus  cheminer  parmi  les  pollutions  du  monde.  Or  cela  ne  se  pouvoit  faire,  que  ce  peuple  ici  ne  fust  hay,  et  que  tout  le  monde  aussi  ne  le  reiettast.  Car  quand  on  nous  mesprise,  nous  desdaignons  aussi  les  autres  de  nostre  coste:  les  voisins  donc  des  Iuifs  ne  demandoyent  sinon  que  la  memoire  en  perist.  Moyse  a  regarde  a  ceste  condition-  la,  en  disant,  qu'Israel,  combien  quHl  soit  seul,  habitera  seurement:  comme  s'il  disoit:  Vray  est  qu'il  semble  bien  que  vous  soyez  exposez  a  plusieurs  dangers,  quand  nostre  Seigneur  ne  veut  point  que  vous  soyez  ainsi  meslez  parmi  les  autres  nations,  et  qu'il  veut  que  vous  soyez  ainsi  un  petit  corps  recueilli  :  il  semble  bien  que  vous  deviez  craindre,  mais  c'est  assez  que  vostre  Dieu  vous  soit  en  sauvegarde  :  contentez-vous  donc  de  luy  et  de  son  aide,  et  habitez  seurement.  Au  reste  il  n'y  a  nulle  doute  que  Moyse  n'ait  ici  voulu  donner  une  doctrine  permanente  a  toute  l'Eglise,  de  se  tenir  asseuree,  combien  qu'elle  ne  se  voye  point  munie  en  ce  monde,  et  qu'elle  n'ai  t  ne  forteresses,  ne  murailles,  qu'elle  n'ait  nulles  armes  et  toutes  autres  choses,  ou  les  hommes  ont  accoustume  de  se  fier  :  mais  qu'elle  en  soit  desnuee  du  tout,  neantmoins  qu'elle  soit  seure  de  son  salut.  Et  pourquoy?  Car  nous  sommes  en  la  main  de  Dieu.  Apprenons  donc  si  nous  voulons  rendre  a  Dieu  l'honneur  qu'il  merite,  quand  nous  ne  verrons  rien  ici  bas  ou  nous  pouvoir  asseurer,  d'aller  droit  a  luy:  de  magnifier  tellement  sa  vertu,  que  nous  concluions,  moyennant  qu'elle  soit  de  nostre  coste,  qu'il  ne  faut  rien  craindre.  Car  si  nous  voulons  estre  asseurez  ici  bas,  nostre  Seigneur  ne  nous  sera  plus  rien,  nous  ne  pourrons  dire,  que  c'est  de  luy  que  nous  esperons  tout:  si  nous  cerchons  les  moyens  inferieurs,  et  si  tost  qu'ils  nous  defaillent,  que  nous  soyons  comme  transis,  il  n'y  aura  qu'hypocrisie  en  nous,  et  tousiours  nous  declairerons  nostre  deffiance.  Yoila  donc  le  vray  examen  de  nostre  foy,  c'est  quand  nous  attendons  un  tel  secours  de  nostre  Dieu,  qu'encores  que  tout  ce  monde  nous  defaille,  que  nous  ne  verrons  rien  a  l'entour  qui  nous  puisse  donner  courage,  que  nous  soyons  en  seurte.  Voila  que  emporte  ce  passage.  Or  quand  nous  aurons  retenu  ceste  doctrine,  nous  aurons  beaucoup  profite  pour  tout  le  temps  de  nostre  vie.  Car  d'un  coste  nous  serons  retirez  des  vaines  imaginations  qui  nous  decoivent:  si  tost  qu'il  y  a  quelque  chose  ici  bas  qui  soit  pour  nous,  si  nous  avons  quelque  advantage,  nous  despittons  quasi  Dieu,  c'est  a  dire,  nous  ne  pensons  plus  avoir  besoin  de  luy.  Ceux  qui  ont  leurs  greniers  bien  fournis  et  leurs  caves,  invoqueront-ils  Dieu  pour  estre  nourris  de  sa  main  ?  Il  est  vray  qu'ils  diront  leur  pater  comme  les  autres:  mais  cependant  il  n'y  a  qu'ordure  en  eux,