15:202  Servo  Christi  valde  insigni  Heinricho  Bullingero,  quam  fidelissimo  pastori  ecclesiae  Tigurinae,  pietatis  doctrinae  studiosissime  assertori,  fratri  et  symmystae  quam  carissimo.  Tiguri.  8.  Posteaquam  Calvinum  invisi  *)  qui  consilium  tuum  mihi  aperuit  tuis  ad  eum  literis,  huc  reversus  tuas2)  accepi,  quibus  plene  indicas,  quid  te  moveat,  ut  quod  instantius  ex  te  petebam  semel  atque  iterum  non  censeas  nunc  expedire.  Facile  fuit  mihi  iam  persuaso  ex  tuis  ad  Calvinum,  qui  tecum  plene  facit,  assentiri  omnibus  quae  scribis.  Ago  gratias  Domino  super  donis  tibi  datis  quod  videas  meliora,  et  ea  cures  diligenter.  Calvinus  vult  Viretum  opus  hoc  efficere,3)  quod  facilitate  quadam  valeat,  et  minus  subolfacient,  qui  non  tam  sunt  Calvino  amici,  aliquid  ex  eo  congestum,  minusque  gravabuntur  subscribere,  ut  non  addam  ea,  quibus  tantum  non  obruitur.  Viretus  causatur4)  se  non  posse  id  praestare  quod  Calvinus,  tam  presse  paucis  omnia  complecti,  quae  ad  rem  faciunt,  et  quibus  adversarii  convincantur,  improbe  nos  oppugnare  et  agere.  Optarem  hic,  si  tibi  non  est  molestum,  te  horum  alterum  iubere  hoc  aggredi,  si  neuter  nondum  coeperit.  Spero,  ut  scripsisti,  rem  feliciter  successuram,  quod  faxit  Christus.  Bruta  prorsus  et  fera  Britanniae  Regina,  ut  ferunt,  sese  indies  vincit.  Aiunt  enim  curasse  confingi  omnium  signa  iudicum,  quo  Elisabefha0)  in  carcere  necaretur,  tam  est  sitiens  sanguinis  sororis,  et  nisi  Dominus  vinctam  insigni  miraculo  servet,  quod  faxit  clementissimus  pater,  sane  actum  est  de  ea.  Est  admodum  sanctis  precibus  incumbendum,  ut  Dominus  restituat  miseram  Angliam  in  eum  iocum,  unde  excidit,  et  potiora  addat,  ut  tu  sancte  mones  in  causa  Locarnensium6)  quos  misericors  Christus  intueatur,  regnumque  suum  apud  eos  florere  faciat,  firmusque  illic  et  passim  det  verbo  radices,  sublatis  omnibus,  quae  impedire  conantur.  1992.1)  circa  Idus  Iunias  occasione  epistolae  a  Vcmdeko  prolatae.  2)  deperditae.  Z)  N.  1978.  4)  Talis  epistola  non  exstat.  5)  In  suspicionem  inciderat  conspirationis  Wyaitianae  consciam  fuisse  et  primum  in  Turri  Londinensi  postea  Woodstockii  detenta  demum  post  Mariae  nuptias  libertati  reddita  fuit,  sed  missae  interesse  coacta  et  usque  ancipiti  in  discrimine.  {Strype  III.  1  p.  551.)  6)  Locarnum  ad  lacum  Verbanum  situm,  hodie  lictnensi  pago  adscriptum,  iam  a.  1531  prima  reformationis  semina  habuit.  A.  1548  Beccaria  ibi  praedicare  evangelium  coepit,  et  Bullingerus  paulo  post  Senatum  Turicensem  adiit  ut  iis  patrocinaretur  suadens.  Verum  usque  a  pontificiis  pressi  a.  1554  etiam  exsilio  plures  multati  fuerunt,  et  quatuor  evangelicos  pagos  ad  auxilium  ferendum  sollicitarunt.  (Fesfolozzi,  BuM.  359,  Meier,  Locarno.)