7:201  201  DES  LIBERTINS.  202  naturel,  comme  un  petit  enfant.  Mesme  ilz  appliquent  a  ce  propos,  les  passages  ou  la  simplicite  enfantile  nous  est  recommandee.  Comme  si  l'esprit  de  Dieu  en  nous  commandant  d'estre  semblables  a  petis  enfans,  n'adioustoit  pas  quant  et  quant,  que  ce  n'est  pas  en  sens  qu'il  leur  faut  ressembler,  mais  en  mansuetude,  en  sincerite,  en  simplesse  (1  Cor.  14,  20).  Comme  si  d'autre  part  il  ne  nous  exhortoit  point  a  croistre  en  Christ,  iusque  a  ce  que  soyons  venus  en  eage  de  perfection  (Ephes.  4,  13  ss.).  Comme  s'il  ne  requeroit  point,  que  nous  abondions  en  prudence  spirituelle  (Matth.  10,  16).  Comme  s'il  ne  nous  advertissoit  point,  que  nous  ne  devons  pas  cheminer  inconsiderement,  mais  comme  bien  entenduz,  en  cognoissant  quelle  est  la  volunte  de  Dieu  (Ephes.  5,  17).  Voudroit  on  expositions  plus  claires,  pour  redarguer  l'impudence  de  ces  meschans,  en  ce  qu'ilz  osent  ainsi  depraver  l'escriture?  [page  127]  Revenons  donc  a  leur  principal  propos.  S'ilz  voyent  un  homme  qui  face  difficulte  de  malfaire:  1)  O  Adam,  disent  ilz,  tu  y  voy  encoire.  L'anchien  homme  n'et  nyen  encoire  cruchifie  en  ty.  2)  iS'ilz  voyent  un  homme  craindre  le  iugement  de  Dieu:  Tu  sens,  disent-ilz,  encoire  le  gon  de  la  pumme.  Vuarde  bien  que  che  morcheau  ne  t'estranle  le  gosie.3)  Si  un  homme  pensant  a  ses  fautes  en  a  desplaisance,  et  en  est  contriste,  ilz  disent  que  le  peche  regne  en  luy,  et  qu'il  est  detenu  captif  par  le  sens  de  la  chair.  A  fin  qu'on  ait  plus  facile  intelligence  de  leur  villanie,  il  est  a  noter  que  le  peche,  le  monde,  la  chair,  le  vieil  homme,  ne  leur  est  autre  chose  que  ce  qu'ilz  appellent  cuider.  Ainsi  moyennant  qu'on  ne  cuide  plus,  on  ne  peche  plus,  a  leur  compte.  Or  en  ce  cuider  ilz  comprennent  tout  remors  de  conscience,  tout  scrupule:  brief,  tout  le  sentiment  qu'a  un  homme  du  iugement  de  Dieu.  Voila,  dis-ie,  la  belle  regeneration  qu'on  apprent  en  leur  eschole:  de  ne  plus  estre  touche  en  son  cueur  de  rien  qui  soit:  mais  vivre  a  plaisir,  sans  difficulte,  [page  128]  Ceux  qui  ne  font  plus  de  cas  du  pecho,  ilz  les  appellent  nouvelles  creatures,  pource  qu'ilz  sont  delivrez  du  cuider,  et  par  ainsi  n'ont  plus  de  peche  en  eux.  Voila  ou  ilz  constituent  tout  le  benefice  de  la  redemption  faicte  par  Iesus  Christ:  c'est  qu'il  a  destruict  ce  cuider,  qui  estoit  entre  au  monde  par  la  coulpe  d'Adam.  Quand  ce  cuider  est  aboly  il  n'y  a  plus  de  Diable  ne  de  monde,  selon  leur  opinion.  Car  ilz  n'ont  autre  ennemy  qui  les  tormente,  que  cestuy  la.  Dont  il  appert  qu'ilz  ont  bonne  convenance  1)  mali  conscientia  moveri.  2)  O  Adam,  tu  y  vois  encore  (adhuc  aliquid  cernis)  ?  Le  vieil  homme  n'est  pas  encore  crucifie  en  toi?  3)  Tu  sens  encore  le  gout  de  la  pomme?  Garde-toi  bien  que  ce  morceau  ne  ^etrangle  le  gosier.