52:201  201  CAPUT  II.  202  Iohannes  (1.  Ep.  2,  18),  venturum  quidem  Antichristum,  sed  iam  suo  tempore  plures  suisse.  Monet  enim  eos  qui  tunc  vivebant,  ut  sibi  caveant  ab  hac  exitiali  peste  quae  tunc  varie  pullulabat.  Exoriebantur  enim  sectae,  quae  veluti  semina  erant  eius  infausti  lolii,  quod  totam  Dei  segetem  prope  suffocavit  ac  perdidit.  Caeterum  quamvis  occultam  operationem  significet  Paulus,  mysterii  tamen  potius  nomine  quam  alio  usus  est,  alludens  ad  mysterium  salutis,  de  quo  alibi  (Coloss.  1,  28)  loquitur:  sedulo  enim  conflictum  repugnantiae  inculcat  inter  filium  Dei  et  hunc  filium  perditum.  Solum  tenens  modo.  Quum  utrumque  de  uno  dicat,  tenere  ad  tempus  principatum,  et  brevi  sublatum  iri  e  medio,  non  dubito  ad  Antichristum  referre  :  et  participium  obtinens  resolvi  debet  in  futurum  tempus.  Nam  hoc  (meo  iudicio)  in  consolationem  fidelium  addidit,  temporale  fore  Antichristi  regnum,  cui  praefixus  sit  a  Deo  finis:  poterant  enim  obiicere  fideles,  Quorsum  attinet  evangelium  praedicari,  si  nunc  tyrannidem  molitur  Satan,  quam  perpetuo  obtineat?  Hortatur  ergo  eos  ad  patientiam,  quia  Deus  ecclesiam  suam  ad  tempus  solum  affligat,  ut  aliquando  liberet  :  ex  adverso  autem  regni  Christi  perpetuitas  consideranda  est,  ut  in  eam  recumbant  fideles.  8.  Et  tunc  revelabitur.  Quum  scilicet  illud  TO  xaxexov  cessaverit:  neque  enim  tempus  revelationis  designat,  quum  e  medio  sublatus  fuerit  qui  nunc  principatum  tenet:  sed  ad  superiora  respicit.  Dixerat  enim  aliquid  obstare  quominus  apertam  regni  possessionem  Antichristus  invaderet.  Addidit  postea,  iam  clandestinum  impietatis  opus  moliri.  Tertio  consolationem  interposuit,  ex  eo  quod  finienda  esset  tyrannis.  Nunc  iterum  repetit,  suo  tempore  revelandum  qui  adhuc  occultus  erat:  et  repetitio  huc  pertinet,  ut  armis  spiritualibus  instructi  fideles  strenue  nihilominus  sub  Christo  militent,  nec  se  patiantur  submergi,  utcunque  impietatis  diluvium  ita  exundet.  Quem  Dominus.  Interitum  regni  Antichristi  praedixerat:  nunc  modum  interitus  describit,  quod  scilicet  verbo  Domini  in  nihilum  redigetur.  Incertum  est  autem  loquaturne  de  ultima  Christi  apparitione,  quum  iudex  e  coelis  patefiet.  Videntur  quidem  ita  sonare  verba:  sed  non  intelligit  Paulus  Christum  hoc  uno  momento  facturum.  Itaque  sic  habendum  est,  abolendum  penitus  et  omni  ex  parte  Antichristum,  quum  ultimus  ille  instaurationis  omnium  dies  adveniet.  Significat  tamen  Paulus,  interea  Christum  suis  radiis,  quos  ante  adventum  suum  emittet,  tenebras,  in  quibus  regnabit  Antichristus,  profligaturum  :  quemadmodum  sol,  priusquam  appareat  nobis,  irradiatione  sua  fugat  noctis  tenebras.  Haec  itaque  verbi  victoria  in  hoc  mundo  se  proferet:  nam  spiritus  oris  non  aliud  quam  verbum