51:201  201  CAPUT  IV.  202  dati  sunt  in  Christi  doctrina,  tametsi  nondum  perfecti  sint,  habent  tamen  tantum  prudentiae  et  roboris,  ut  sciant  deligere  quid  sit  optimum,  et  constanter  pergant  in  recto  cursu.  Ita  fidelium  vita,  quae  assiduo  profectu  ad  statum  suum  gradum  adspirat,  adulescentiae  similis  est.  Quod  ergo  dixi,  nunquam  in  hac  vita  nos  esse  viros,  non  debet  trahi  ad  alterum  extremum,  quod  vocant:  ac  si  non  fieret  progressus  extra  pueritiam.  Nam  postquam  Christo  nati  sumus,  debemus  adolescere,  ita  ut  non  simus  intelligentia  pueri.  Hinc  apparet  qualis  sub  papatu  sit  Christianismus,  ubi  quam  diligentissime  possunt,  in  hoc  laborant  pastores  ut  plebem  in  prima  infantia  detineant.  Qui  fluctuemur  et  circumferamur.  Duabus  metaphoris  eleganter  miseram  eorum  trepidationem  exprimit,  qui  solide  non  recumbunt  in  verbum  Domini.  Primum  naviculis  facit  similes,  quae  medio  in  mari  variis  fluctibus  iactatae,  certum  cursum  non  tenent  :  nec  arte  aut  consilio  reguntur,  sed  abripiuntur  quocunque  impetus  tulit.  Deinde  comparat  eos  vel  stipulis,  vel  aliis  rebus  infirmis,  quae  prout  se  ventus  moverit,  agitantur  huc  et  illuc,  et  saepe  in  contrarias  partes.  Sic,  inquam^  necesse  est  instabiles  moveri,  quibus  fundamentum  in  quo  acquiescant  non  est  aeterna  Dei  veritas.  Haec  iusta  poena  est  adversus  omnes,  qui  in  homines  potius  quam  Deum  respiciunt.  Contra  vero  testatur  Paulus,  fidem,  quae  Dei  verbo  nititur,  invictam  stare  adversus  omnes  Satanae  insultus.  Quovis  vento  doctrinae.  Pulchra  metaphora,  dum  omnes  hominum  doctrinas,  quibus  ab  evangelii  simplicitate  distrahimur,  appellat  ventos.  Deus  enim  verbum  suum  dedit,  in  quo  actis  radicibus  maneamus  immoti.  Homines  autem  huc  et  illuc  suis  figmentis  nos  abducunt.  Quum  addit  per  astum  hominum,  significat  semper  futuros  impostores,  qui  fidei  nostrae  immineant  et  insidias  tendant:  sed  nihil  profecturos,  si  Dei  veritate  fuerimus  muniti.  Quorum  utrumque  diligenter  notandum  est.  Turbantur  enim  permulti,  simul  atque  emergunt  vel  sectae,  vel  impia  aliqua  dogmata.  Atqui  nec  Satan  quiescere  potest  quin  semper  puram  Christi  doctrinam  conetur  et  tentet  obscurare  suis  mendaciis:  et  Deus  fidem  nostram  his  certaminibus  vult  probari.  Deinde  quum  audimus  istud  esse  optimum  et  praesentissimum  remedium,  ne  circumveniamur  ullis  erroribus,  opponere  doctrinam  illam,  quam  a  Christo  et  apostolis  didicimus:  ea  vero  non  vulgaris  consolatio  est.  Unde  apparet  quanta  sit  papatus  et  quam  exsecranda  impietas,  ubi  omnem  verbo  Dei  certitudinem  abrogant,  et  aliam  fidei  constantiam  esse  negant,  quam  si  ab  hominum  autoritate  pendeamus.  Nam  si  quis  haesitet,  frustra  verbum  Dei  consuli  docent:  sed  decretis  suis  standum  esse.  Nos  vero  legem,  pro-