50:201  201  CAPUT  III.  202  bitores:  si  expiatio,  rei  ergo  eramus:  si  ablutio,  eramus  immundi.  Itaque  e  converso,  qui  operibus  suam  munditiem,  suam  absolutionem,  expiationem,  iustitiam,  liberationem  tribuit:  irritam  facit  Christi  mortem.  Hic  obiiciat  forte  quispiam,  non  valere  argumentum  adversus  eos,  qui  gratiam  Christi  operibus  coniungunt.  Quod  fecisse  pseudoapostolos  nemini  dubium  est.  Stant  enim  simul  ista  duo,  ex  lege  esse  iustitiam,  et  nos  Christi  morte  redemptos  esse.  Fateor,  si  concedimus  partem  iustitiae  operibus  acquiri,  partem  ex  gratia  provenire.  Verum  Paulo  incognitam  fuisse  hanc  theologiam  colligere  promptum  est:  nam  vel  apposite  disputavit  contra  adversarios  suos,  vel  stulte  et  perperam.  Si  quis  blasphemus  audeat  ipsum  calumniari,  valida  satis  est  defensio:  iustitiam  coram  Deo  reputari,  non  qualem  nos  homines  imaginamur,  sed  cui  nihil  desit.  Caeterum  quia  praesentis  instituti  non  est,  agere  Pauli  causam  adversus  blasphemos,  qui  spiritui  sancto  oblatrare  audent:  cum  papistis  agamus.  Rident  nos  quum  post  Paulum  ratiocinamur,  frustra  mortuum  esse  Christum  si  ex  operibus  est  iustitia.  Nam  pulchra  responsione  sibi  videntur  instructi,  quum  afferunt  ex  suis  sophistis,  Christum  meruisse  nobis  primam  gratiam,  hoc  est  occasionem  merendi  :  et  meritum  mortis  ipsius  concurrere  una  cum  operum  satisfactionibus  ad  quotidianam  remissionem  peccatorum.  Rideant  igitur  Paulum,  ex  cuius  ore  loquimur:  ipsum  enim  prius  refellant  oportet,  quam  nos.  Scimus  illi  fuisse  negotium  cum  hominibus,  qui  non  excluderent  penitus  Christi  gratiam  :  aed  dimidium  salutis  in  operibus  locarent.  Adversus  eos  sic  argumentatur,  frustra  mortuum  esse  Christum,  si  per  legem  est  iustitia.  Sic  agendo,  nullam  certe  iustitiae  guttam  operibus  relinquit  Ab  illis  nihil  differunt  papistae.  Liceat  igitur  et  nobis  ad  eos  refutandos  Pauli  argumentum  usurpare.  CAPUT  III.  1.  O  stulti  Galatae,  quis  vos  fascinavit,  ut  non  obediatis  veritati?  quibus  ante  oculos  Iesus  Christus  depictus  est,  inter  vos  crucifixus.  2.  Hoc  solum  volo  discere  a  vobis,  ex  operibus  legis  spiritum  accepistis,  an  ex  praedicatione  fidei?  3.  Ita  stulti  estis,  ut  exorsi  a  spiritu,  nunc  carne  consummemini  ?  4.  Tanta  passi  estis  frustra?  si  tamen  etiam  frustra.  5.  Qui  ergo  subministrat  vobis  spiritum  et  operatur  in  vobis  virtutes:  ex  operibus  legis,  an  ex  praedicatione  fidei  id  facit?  1.  O  stulti.  Doctrinae  attexit  obiurgationem,  vel  potius  inserit.  Si  quis  autem  miretur  cur  non  ad  finem  usque  distulerit:  illae  procul  dubio  tam  graves  sententiae,  quas  protulit,  eum  incitarunt  ut  subito  excandesceret.  Nam  ubi  audimus  reiici  filium