5:201  PSYCHOPANNYCHIA.  illi  mecum  sint,  ut  videant  claritatem  meam,  quam  dedisti  mihi  (Ioann.  17,  24).  Hanc  igitur  fidem,  omnibus  prophetiis,  evangelica  veritate,  Christo  ipso  subnixam,  teneamus.  Spiritum  imaginem  esse  Dei,  instar  cuius  vigeat,  intelligat,  aeternus  sit.  Quamdiu  in  corpore  est,  virtutes  suas  exserere:  quum  ex  illo  ergastulo  egreditur,  ad  Deum  migrare,  cuius  sensu  interim  fruitur,  dum  in  spe  beatae  resurrectionis  requiescit.  Hanc  requiem,  illi  esse  paradisum.  Spiritum  vero  reprobi  hominis,  dum  terribile  iudicium  in  se  exspectat,  torqueri  illa  exspectatione,  quam  Paulus  l)  ob  id  yofieqav,  id  est,  formidabilem  vocavit  (Hebr.  10,  27).  Ultra  inquirere,  se  immergere  est  in  abyssum  mysteriorum  Dei:  quum  satis  sit  didicisse,  quod  satis  habuit  docuisse  spiritus  optimus  magister.  Cuius  verbum  est:  Audite  me,  et  vivet  anima  vestra,  [fol.  23]  Quam  ille  sapienter,  prae  istorum  vaniloquentissima  arrogantia:  Iustorum  animae  in  manu  Dei  sunt,  et  non  tanget  illos  tormentum  mortis.  Visi  sunt  oculis  insipientum  mori,  illi  autem  sunt  in  pace,  etc.  Hic  finis  est  nostrae  sapientiae,  quae,  ut  sobria  est,  et  Deo  subiecta,  ita  novit  eos  qui  supra  se  nituntur,  semper  corruere.  Nunc  cunas  excutiemus,  in  quibus  sopitas  animas  componunt:  et  papaver  diluemus,  quod  illis  ad  conciliandum  somnum  propinant.  Circumferunt  enim  aliquot  scripturae  locos,  qui  videntur  isti  somno  suffragari:  tum,  quasi  ad  liquidum  dormitio  probata  sit,  fulminant  in  eos,  qui  non  statim  errori  suo  consentiunt.  Obiiciunt  primum  non  aliam  homini  infusam  animam  a  Deo,  quam  quae  sit  illi  cum  bestiis  omnibus  communis.  Omnibus  enim  ex  aequo  scriptura  attribuit  animam  viventem.  Ut  quum  dicitur:  Creavit  Deus  cete  grandia,  et  omnem  animam  viventem  (Gen.  1,  21).  Item,  Bina  ex  omni  carne,  in  qua  erat  spiritus  vita  (Gen.  7,  15):  et  alia  eiusdem  generis.  Et  si  nusquam  sacrae  literae  meminissent,  nos  tamen  liquide  admoneri  ab  apostolo,  animam  illam  viventem  nihil  differre  a  praesenti  vita,  qua  corpus  hoc  vegetatur.  Verba  sunt:  Seminatur  in  corruptione,  surget  in  incorruptione:  seminatur  in  infirmitate,  surget  in  virtute:  sominatur  corpus  animale,  surget  spirituale.  Quemadmodum  scriptum  est,  Factus  est  primus  Adam  in  animam  viventem,  novissimus  in  spiritum  vivificantem  (1  Cor.  15,  42  ss.).  Fateor  animam  viventem  non  semel  attributam  bestiis,  quia  et  ipsae  vitam  suam  degunt:  verum  aliter  illae  vivunt,  aliter  vivit  homo.  Anima  vivens  est  homini,  qua  sapit  et  intelligit:  anima  illis  vivens  est,  quae  motum  et  sensum  dat  corpori.  Quum  igitur  animae  hominis  insit  ratio,  intellectus,  voluntas,  quae  virtutes  non  sunt  corpori  adnexae.  1)  8%e  sola  princeps.  Caeterae:  apostolus.