29:201  201  SUR  LE  DEUTER.  CHAP.  XXXIII.  202  tellement  qu'elles  soyent  dontees.  Or  donc  quand  les  papistes  voyent  que  les  fidelles  travaillent  ainsi,  ils  imaginent  qu'ils  font  cela  de  leur  propre  vertu:  mais  il  n'est  point  question  si  les  hommes  travaillent  avec  grand'  peine,  et  s'ils  ahannent:  mais  il  est  question  de  savoir  d'ou  cela  procede.  Or  nous  disons  que  cela  est  de  Dieu:  ainsi,  qu'il  n'y  a  nul  residu  pour  les  hommes,  ni  en  quoy  ils  se  puissent  glorifier.  Dieu  deschassera  les  ennemis  devant  luy  :  et  il  dira  toutesfois:  Destruy-les.  Voila  donc  d'un  coste  comme  Dieu  destruit  nos  ennemis:  et  cependant  il  nous  donne  la  charge  de  les  desconfire.  Comment  cela  s'accorde-il  ?  O  si  est-ce  que  Dieu  fait  tout.  Et  combien  qu'il  semble  qu'il  nous  mette  en  oeuvre,  si  est-ce  que  nous  ne  pouvons  rien.  Et  voire-mais  tant  y  a  que  nous  travaillons.  Ouy  selon  qu'il  nous  le  donne,  et  selon  la  mesure  de  sa  grace,  tellement  qu'il  ne  faut  pas  que  nous  pensions  avoir  cela  de  nostre  creu:  bref  il  n'y  a  rien  ici  de  propre  a  l'homme,  comme  aussi  le  S.  Esprit  ne  luy  laisse  rien:  mais  cependant  si  ne  sommesnous  point  oisifs:  car  nostre  Seigneur  nous  exerce  et  fait  valloir  sa  vertu  en  nous,  et  la  fait  fructifier,  et  nous  en  sommes  instrumens.  Ainsi  donc  nous  avons  maintenant  l'intention  de  Moyse  :  c'est,  combien  qu'ici  bas  nous  ne  soyons  pas  en  un  paradis  terrestre,  mais  que  de  tous  costez  nos  ennemis  nous  faschent  et  nous  molestent,  et  qu'il  semble  que  nous  devions  estre  engloutis  par  eux  :  que  nous  devons  cheminer  constamment  sous  la  protection  de  nostre  Dieu.  Et  pourquoy?  Car  ses  bras  sont  descendus  iusques  a  nous,  afin  de  nous  secourir  pas  sa  vertu,  laquelle  desconfira  tout  ce  qui  est  contraire  a  nostre  salut,  moyennant  que  de  nostre  coste  nous  souffrions  qu'il  desploye  ceste  vertu  en  nous,  et  que  nous  luy  soyons  instrumens.  Car  combien  qu'il  face  tout,  si  est-ce  (comme  i'ay  desia  dit)  qu'il  nous  fait  ceste  grace,  que  nous  faisons,  et  veut  que  l'oeuvre  soit  comme  nostre:  non  point  pour  nous  eslever  de  presomption  et  d'arrogance,  comme  si  nous  cuidions  rien  avoir  :  mais  que  tant  plus  nous  cognoissions  sa  bonte  envers  nous,  quand  il  nous  attribue  ce  qui  estoit  sien,  et  qu'il  nous  le  communique,  et  qu'il  veut  mesmes  qu'il  soit  repute  comme  nostre.  Or  apres  avoir  parle  ainsi,  il  adiouste  qu9Israel  habitera  a  part  seurement.  Ici  Moyse  a  regarde  a  l'estat  et  condition  du  peuple,  pource  que  Dieu  l'avoit  retire,  pour  le  mettre  la  comme  en  un  nid  a  part.  Il  est  vray  que  ceste  terre  de  Iudee  n'estoit  point  separee  d'avec  les  autres  regions:  mais  si  est-ce  que  Dieu  avoit  la  iette  ses  cordeaux,  comme  nous  l'avons  veu  au  chapitre  precedent:  et  qu'il  y  avoit  mis  les  bornes  et  les  limites,  afin  que  ce  peuple  fust  la  loge.  Quoy  qu'il  en  soit,  le  peuple  d'Israel  estoit  separe  d'avec  les  nations.  Il  avoit  bien  quelques  traffi-