27:201  201  SUR  LE  DEUTER.  CHAP.  XII.  202  serons  redarguez,  qu'ils  nous  exhortent,  qu'ils  nous  reprennent,  qu'ils  nous  domptent  par  menaces,  et  reprehensions  vives  et  aigres.  Or  ce  n'est  pas  ce  que  le  monde  appette  ne  desire:  aussi  on  aimeroit  beaucoup  mieux  nourrir  gens  qui  ne  sonnassent  mot,  que  d'avoir  un  prescheur  qui  reprenne  vivement  les  vices:  et  si  c'estoit  au  choix,  le  monde  aimera  tousiours  mieux  de  nourrir  quelques  convents  de  chanoines,  et  de  moynes  qui  ulleront  la  a  plein  gosier,  que  de  nourrir  un  prescheur  qui  parlera  comme  il  doit.  On  se  contentera  d'avoir  des  orgues.  Et  pourquoy?  Car  elles  ne  faschent  point  les  hommes,  elles  ne  les  redarguant  point  de  leurs  vices:  mais  de  ceux  qui  annoncent  vivement  la  parolle  de  Dieu,  on  s'en  voudroit  deffaire  s'il  estoit  possible.  Et  ainsi,  ce  n'est  point  sans  cause  que  nostre  Seigneur  declaire,  qu'il  ne  veut  point  que  ceux  qui  portent  la  doctrine  en  son  nom,  soyent  delaissez:  car  par  ce  moyen  le  peuple  se  prive  de  la  pasture  de  vie,  quand  il  refuse  de  nourrir  ceux  qui  luy  apportent  la  doctrine  de  salut,  c'est  autant  comme  s'il  vouloit  demeurer  affame.  Et  voila  pourquoy  aussi  sainct  Paul  insiste  tant  sur  ceste  admonition.  Il  est  certain  qu'il  n'a  point  cerche  son  profit:  et  mesmes  il  s'est  deporte  de  prendre  en  quelques  lieux  les  gages  qui  luy  appartenoyent,  voyant  les  murmures:  et  aimoit  mieux  prendre  des  autres  Eglises  ausquelles  il  ne  servoit  point,  que  des  Corinthiens,  pource  qu'il  voyoit  la  une  telle  ingratitude:  mais  il  a  laboure  de  ses  mains,  plustost  que  de  donner  occasion  de  mal  parler.  Nous  avons  donc  un  homme  qui  n'est  point  adonne  a  soy,  et  qui  mesmes  quitte  de  son  bon  gre  ce  que  Dieu  luy  avoit  ordonne:  tant  y  a  qu'il  ne  laisse  point  de  remonstrer  que  ceux  qui  annoncent  la  parolle  de  Dieu,  doivent  estre  sustantez  et  nourris.  Et  pourquoy  cela?  Car  nous  voyons  l'astuce  du  Diable,  qui  ne  demande  sinon  que  les  Eglises  soyent  destituees  de  bons  pasteurs:  et  puis  il  regarde  la  malice  du  monde.  Pour  ceste  cause  S.  Paul  insiste  tant,  que  ceux  que  Dieu  aura  commis  pour  annoncer  sa  parolle,  soyent  fidelement  entretenus.  C'est  grande  chose  (dit-il)  quand  nous  vous  apportons  les  biens  spirituels,  que  nous  n'ayons  dequoy  estre  sustantez  en  nos  corps:  voila  une  belle  recompense.  Et  si  cela  vous  fasche,  vous  monstrez  une  grande  malice,  et  que  vous  prisez  bien  peu  ce  thresor  inestimable  qui  vous  estoit  envoye  de  Dieu.  Maintenant  nous  voyons  a  quel  propos  Moyse  recommande  ici  la  lignee  de  Levi.  Ce  n'est  point  tant  pour  le  profit  particulier  de  ceux  qui  devoyent  estre  sustantez  par  les  oblations,  et  premices,  et  dismes,  que  pour  l'utilite  commune  de  tout  le  peuple.  Car  c'est  afin  que  tous  ensemble  soyent  maintenus  en  la  vraye  union  de  foy,  et  qu'ils  ayent  tousiours  gens  qui  les  inci-