20:201  201  1563  DECEMB.  202  Corinthios  admonet,  domum  cuique  suam  esse  in  qua  comedat  et  bibat,  coenam  excludit  a  privatis  aedibus.  Tunc  neque  fidelibus  patebant  templa,  nec  unquam  permissum  esset  nova  exstruere.  Sed  tantum  a  communibus  epulis  discernit  spirituale  mysterium,  ne  cum  illis  misceatur.  Caeterum  diligenter  cavendum  esse  fateor,  ne  qua  obrepat  superstitio,  ne  spes  salutis  externo  symbolo  affigatur:  deinde  ne  se  ingerat  ambitio,  neve  ebulliat  praepostera  curiositas.  Parce  igitur  et  adhibito  delectu,  nec  aliter  quam  causa  cognita,  vellem  coenam  apud  aegrotos  celebrari.  Deinde  ne  a  Christi  institutione  aliena  foret  vel  minimum  deflecteret  actio,  nollem  nisi  in  coetu  piorum,  nollem  absque  doctrina  et  publico  ritu.  Fecit  quorundam  stultitia,  qui  panem  ad  aegrotos  deferendo  tanquam  ferculum  in  pompa  gestant,  ut  pii  homines  tanquam  a  corruptela  non  ferenda  abhorreant.  Corrigendum  ergo  esset  illud  quoque  vitium.  Ego  vero  eorum  timori  facile  ignosco,  qui  ad  praecavenda  pericula  ab  actu  non  ita  praecise  necessario  abstinendum  censent:  modo  vicissim  agnoscant  me  non  temere  aliud  sentire.  Vale,  optime  et  integerrime  frater.  Saluta  amicos*  Dominus  vos  omnes  conservet,  virtute  invicta  fulciat,  spiritu  suo  gubernet  vestra  consilia  et  studia.  Genevae,  Calendis  Decembris.  1563.  Iohannes  Calvinus  tuus.  4052.  CALVINUS  BULLINGERO.  Post  enarrata  quae  nuperrime  in  Gallia  evenerunt,  instat  ut  ille  satagat  apud  suos  de  foedere  cum  rege  ineundo,  de  quo  scilicet  sibi  mira  promittit.  (Apographon  sequimur  Codicis  Genev.  107a,  fol.  285,  collatum  cum  Cod.  108,  fol.  152,  Cod.  Bern.  VI.  1146  et  Simleri  Tom.  108.)  Clarissimo  viro  D.  Henricho  Bullingero  ecclesiae  Tigurinae  fido  pastori  fratri  ac  symmystae  mihi  plurimum  observando.  S.  Ex  quo  ad  te  scripsi,1)  venerando  frater,  nova  haec  contigerunt:  quum  soli  prope  adversarii  in  consilio  regis  essent,  repente  furioso  impetu  decretum  est  ut  muri  Aureliae  everterentur.2)  Prae-  4052.1)  N.  4037.  2)  Cf.  4049.  Hist.  des  choses  mem.  p.  296;  Pendant  qu'on  bastissoit  (une  citadelle)  a  Lyon  pour  brider  ceux  de  la