15:201  201  1554  AUGUST.  202  lare,  quos  boni  omnes  sanctiore  quam  fraterni  iuris  vinculo,  hoc  est,  paternae  virtutis  similitudine  eoniunctissimos  non  minus  certo  fore  sperant  quam  avide  cupiunt.  Quod  si  eius  patris,  quem  laudare  ipsi  quoque  hostes  coguntur,  imaginem  nobis  retulerint  tres  filii,  erit  cur  domui  Saxonicae  gratulentur  sinceri  pietatis  cultores,  quos  illa  devinctos  sibi  et  amicos  habet.  Porro  ad  laboris  mei  commendationem  apud  Principes  Christo  vere  addictos  unum  hoc  sufficiet,  quod  ubique  et  germanam  pietatis  doctrinam  asserere,  et  sacris  Dei  oraculis  lucem  afferre  non  minore  fide  quam  reverentia  studeo.  Si  forte  autem  vestrae  Celsitudini  ignotus  sum,  est  in  aula  vestra  clarissimus  vir  Franciscus  Burchardus4)  cancellarius,  qui  pro  sua,  qua  me  ante  annos  quatuordecim  5)  complexus  est,  benevolentia  mihi  favorem  conciliet.  Atque  ut  a  laudibus  abstineat  quas  minime  postulo,  saltem  de  mea  ad  propagandum  Christi  regnum  sedulitate  testabitur.  Iam  vero,  quum  eandem,  qua  olim  apud  cordatissimum  principem  patrem  vestrum  pollebat,  gratiam  et  autoritatem  hodie  merito  apud  vos  obtineat,  idoneus  erit  rei  sibi  compertae  testis.  Valete,  illustrissimi  Principes.  Dominus  vos  suo  praesidio  tueatur,  spiritu  prudentiae,  aequitatis  et  fortitudinis  gubernet,  omnique  benedictionum  genere  locupletet.  Genevae,  pridie  Calendas  Augusti  M.  D.  LIIII.  1992.  FARELLUS  BULLINGERO.  Praemissis  nonnullis  de  responsione  contra  Westphalum  vel  a  Calvino  vel  a  Vireto  conscribenda,  prolixe  concionatur  de  rebus  Anglorum,  Locarnensium,  Magdeburgensium,  Metensium  et  Orbanorum.  (Ex  autographo  Arch.  Turic.  Plut.  VI.  Vol.  166,  olim  Epp.  Tom.  24,  fol.  335.  .  Simler  Vol.  82.)  4)  natus  Vinariae  1504,  postquam  addiscendae  iurisprudentiae  operam  navavit,  primum  Melanchthone  auspice  professor  HU.  graecarum  Wittembergae  factus,  a,  1535  electori  a  consiliis  fuit  et  deinceps  negotia  publica  tractare  non  desiit.  Myconius  (Hist.  ref.  ed.  Cyprian.  L.  1718  p.  57)  dicit  eum  den  feinsten  Orator  in  Latein  ais  man  seiner  Zeit  in  Germanien  tiaben  mogen,  pietatemque  et  doctrinam  eius  laudibus  extollit  Cf.  Adami  Vitae  germ.  ICtorum  p.  135,  Dans,  Fr'z.  Burckard,  sachs.  Cantier  Weim.  1825,  Duas  filias  elocavit  alteram  Victorino  Strigelio,  alteram  Matthaeo  Wesenbeckio.  5)  m.  Februario  et  Martio  1539  Francofurti  (Danz  p.  89),  vel  Hagenoae  et  Wormatiae  1540.  (Sleid.  II.  159.  189.  Sechend.  III.  p.  258.282.  Spalatin.  Annal  p.  431.)  Infra  ad  7,  Oetobr,  habebis  ep.  Burckhardi  ad  Calvinum.