10.1:201  CONSILIA.  Que  tous  les  commandemens  de  la  Loy  ne  sont  valides  entre  les  Chrestiens  sinon  entant  quilz  sont  conformes  a  la  raison  naturelle.  A  quoy  ie  respons  que  s'il  prent  la  raison  telle  qu'elle  est  en  ceux  qui  sont  descenduz  d'Adam,  assavoir  corrumpue  par  le  peche,  il  s'abuse  trop  lourdement.  Car  cest  aultant  comme  s'il  disoit  qu'il  ne1)  fault  iuger  par  la  veue  des  aveugles.  Mais  cependant  ie  dy  aussi  a  l'opposite,  que  ce  commandement  second  de  la  loy  est  prins  et  extraict  de  l'ordre  de  nature:  assavoir  qu'on  ne  doibt  figurer  Dieu  par  quelques  images  visibles.  Car  Dieu  n'a  pas  simplement  deiFendu  de  parolles  precises  qu'on  ne  le  figurast  point:  mais  aussi  quant  et  quant  a  adiouste  la  raison  naturelle  pourquoy  cela  ne  se  devoit  faire:  comme  il  est  escrit  au  4e  de  Deuteronome,  item  au  4G.  d'Esaie:  a  qui  m'avez  vous  faict  semblable?  Parquoy  toutes  idoles  sont  aultant  de  monstres  contre  nature  qui  desguisent  la  verite  de  Dieu  et  la  convertissent  en  mensonge.  Suyvant  cela  il  est  dict  tant  par  le  prophete  Ieremie  comme  par  Abacuh  que  les  images  ne  sont  que  faulsete.  Quant  a  ce  que  le  frere  Matthieu  Oris  allegue  qu'il  est  licite  de  paindre  toutes  figures  ausquelles  Dieu  est  apparu,  il  fauldroit  quon  fust  bien  beste  pour  luy  accqrder  un  si  sot  argument.  Car  Dieu  ne  s'est  iamais  monstre  en  espece  visible  a  telle  intention  qu'on  en  fist  des  paintures.  Qui  plus  est,  aux  visions  qu'ont  eu  les  sainctz  peres  il  a  tousiours  imprime  quelque  marque  de  sa  maieste  laquelle  ne  se  peult  exprimer  par  main  dhomme  ne  par  artifice.  Parquoy  ceux  qui  veullent  paindre  la  maieste  de  Dieu  soubz  couleur  des  visions  qu'il  en  a  donnees,  la  falsifiant.  En  l'aultre  argument  frere  Matthieu  Oris  est  encores  plus  ridicule.  C'est  qu'il  est  licite  de  figurer  Dieu  par  les  choses  ausquelles  il  s'accompare.  Car  de  la  on  tomberoit  dans  des  absurditez  trop  lourdes,  qu'il  le  fauldroit  paindre  en  figures  de  montagnes,  de  Lion  et  d'ours.  Et  qu'il  fauldroit  paindre  le  iugement  de  nostre  Signeur  Iesus  en  figure  de  larron.  Ainsi  tout  ce  qu'amene  ce  Cafart  ne  faict  rien  a  montrer  que  les  idoles  ne  soient  du  tout  repugnantes  a  la  raison  et  ordre  de  nature.  Et  de  faict  sainct  Paul  au  sermon  qu'il  fist  en  la  ville  d'Athenes,  lequel  sainct  Luc  recite  au  17  des  Actes,  ne  mect  point  en  avant  la  Loy  de  Moise,  pour  prouver  qu'on  ne  doit  point  figurer  Dieu  par  images  visibles  mais  addressant  son  propos  aux  Payens  les  ramene  a  l'ordre  de  nature:  d'aultant  que  nous  sommes  genre  de  Dieu  nous  ne  devons  pas  cuider  qu'il  soit  semblable  a  l'or  ou  a  l'argent  ou  a  pierres  ou  a  tout  ce  qui  est  imagine  par  les  hommes.  1)  nous?  me?