9:200  pro  rebus  ipsis  subiicere,  in  ipsos  retorqueo.  Si  licebit  pro  typis  et  umbris  res  ipsas  subiicere,  ubi  religio  erit?  quia  iam  non  Christi  sanguis,  sed  corruptibilis  aqua  ablutio  nostra  erit.  Septimum  argumentum  recitant,  quod  ex  Christi  verbis  petenda  sit  declaratio:  ipse  autem  pronunciat  carnem  non  prodesse  quidquam:  unde  sequitur  non  carnalem,  sed  spiritualem  esum  in  coena  ab  ipso  traditum  esse.  Maiorem  recipiunt,  modo  ex  clarioribus  obscuriora  lucem  accipiant.  Iam  ut  dirimatur  haec  controversia,  si  ipsis  credimus,  manendum  est  in  ipsa  coenae  institutione.  Ego  vero  contra  excipio,  quum  coenam  instituit  Dominus,  breviter,  ut  in  foederibus  fieri  solet,  loquutum  esse.  Sexto  autem  capite  Ioannis  copiose  et  ex  professo  disserere  de  mysterio  [pag.  175J  illo  sacrae  coniunctionis,  cuius  speculum  deinde  in  coena  proposuit.  Frustra  nunc  clamitabunt,  veniendum  esse  ad  ipsum  fontem.  Quemadmodum  si  quis  Anabaptista,  Christi  verba  temere  arripiens:  Praedicate  et  baptizate,  qui  crediderit  et  baptizatus  fuerit  (Marc.  16,  IG),  eodem  praetextu  ianuam  praecluderet  cunctis  rationibus.  Quare  iam  nemo  sanae  mentis  dubitaverit,  uter  ad  rem  illustrandam  commodior  sit  locus  et  aptior.  Ubi  ad  minorem  ventum  est,  tergiversando  ostendunt  quam  perplexa  sit  illis  definitio.  Primo  obiiciunt  clara  et  manifesta  esse  verba:  Panis  quem  ego  dabo  caro  mea  est  pro  mundi  vita  (Ioann.  6,  51).  Utinam  ad  effraenem  lacerandae  scripturae  licentiam  minus  essent  assueti.  Ego  vero  non  modo  fateor  quod  postulant,  panem  vere  esse  carnem,  sed  liberalius  etiam  addo  quod  ipsi  per  turpem  iniuriam  omittunt,  hunc  panem  quotidie  dari,  sicuti  caro  semel  in  cruce  pro  salute  mundi  oblata  est.  Neque  enim  supervacua  est  repetitio  verbi  Dabo.  Vere  [pag.  176]  igitur  ac  proprie  caro  Christi  panis  est,  quia  non  de  corruptibili  vel  caduco  alimento,  sed  de  coelesti  illic  agitur.  Subiiciunt  Magdeburgenses  explicate  loqui  Christum  in  his  verbis  :  Nisi  manducaveritis  carnem  filii  hominis,  et  biberitis  eius  sanguinem,  non  habebitis  vitam  in  vobis  (Ibid.  v.  53).  Item:  Caro  mea  vere  est  cibus  et  sanguis  meus  vere  est  potus  (Ibid.  v.  55).  Poterat  sane,  inquiunt,  eadem  opera  dicere:  panis  significat  carnem  meam.  Verum  ne  quis  figuram  aliquam  somniaret,  nude  voluit  loqui,  et  mature  figmentis  occurrere.  Quasi  vero  tunc  visibile  adhibuerit  symbolum,  ac  non  metaphorice  carnem  suam  cibum  vel  panem  dixerit,  quia  non  aliunde  pascantur  in  spiritualem1)  vitam  animae.  Perinde  est  ac  si  quis  rixator,2)  nomen  aquae  apud  Esaiam  et  Ezechielem  arripiens,  neget  in  baptismo  externum  aquae  symbolum  spirituali  lavacro  an-  1)  en  l'esperance  de  la  Tie  eternelle.  2)  niaiseur.