7:200  nature  des  choses.  Et  n'y  a  doute  que  le  Filz  de  Dieu  ne  se  venge  de  l'outrage  qu'ilz  luy  font,  en  usurpant  son  nom,  pour  en  abuser  en  telle  sorte.  Quant  a  nous,  [page  124]  puis  que  nous  sommes  advertis,  que  en  prenant  le  nom  de  Christ,  ilz  le  profanent  meschamment,  pour  le  faire  servir  a  leurs  abominations,  que  nous  n'en  soyons  pas  esmeus,  quand  nous  leur  orrons  jprononcer,  sinon  pour  avoir  en  plus  grand  horreur  leur  sacrilege.  CHAPITBE  XVIII.  Ou  il  est  monstre,  en  quelle  signification  prennent  les  Libertins  le  mot  de  regeneration:  et  an  contraire,  ce  qu'il  emporte  selon  la  verite  de  l'Escriture.  Ilz  confessent  bien  avec  nous,  que  nous  ne  pouvons  estre  enfans  de  Dieu,  que  premierement  ne  soyons  renaiz.  Et  de  prime  face,  il  sembleroit  advis  a  les  ouyr  parler,  que  nous  fussions  d'un  commun  accord.  Car  ilz  useront  de  parolles  authentiques  a  merveilles,  pour  magnifier  la  regeneration.  Et  de  faict,  quand  on  oyt  resoner  ces  motz  en  leur  bouche;  Que  si  nous  sommes  dc  Dieu,  il  faut  que  le  vieil  homme  soit  crucifie  en  nous,  que  le  vieil  Adam  meure,  que  nostre  chair  soit  mortifiee,  que  [page  125]  le  monde  soit  destruict,  que  le  peche  n'y1)  regne  plus:  qui  n'y  seroit  abuse?  Car  c'est  la  pure  doctrine  de  l'escriture,  et  le  principal  poinct  de  la  vie  Chrestienne  :  tellement  que  quand  a  ces  motz,  il  n'y  a  que  redire,  et  les  anges  du  ciel  ne  sauroyent  mieux  parler.  Car  Dieu  luy-mesme  nous  a  enseigne  de  parler  ainsi.  Mais  quand  ce  vient  a  deschiffrer,  qu'ilz  veulent  entendre  par  ces  motz,  ilz  gastent  tout.  Alors  ilz  commencent  a  degorger  leurs  puants  et  execrables  blasphemes,  pour  renverser,  ie  ne  dis  pas  toute  crainte  de  Dieu,  et  sainctete  de  vie,  mais  toute  honnestete,  qui  est  mesme  inviolable  entre  les  Payens:  et  ensemble  lacher  la  bride  a  chacun,  et  donner  conge  de  se  prostituer  a  toutes  concupiscences  brutalles.  Car  voicy  le  principe  qu'ilz  prennent:  c'est  que  la  regeneration  est  de  revenir  en  l'estat  d'innocence,  auquel  estoit  Adam  devant  qu'avoir  peche.  Or  cest  estat  de  innocence,  ilz  le  prennent  a  ne  voir  goutte  entre  le  blanc  et  le  noir:  pource  que  le  peche  d'Adam  a  este  de  manger  [page  126]  du  fruict  de  science  de  bien  et  de  mal.  Ainsi  mortifier  le  vieil  Adam,  c'est  de  ne  plus  discerner,  comme  si  on  avoit  congnoissance  du  mal,  mais  se  laisser  mener  par  son  sens  1)  in  nobis.