51:200  diei  esse  illam  necessitatem,  docet  usque  in  finem  oportere  ita  fieri.  Vel  ut  clarius  loquar,  hic  admonet  usum  ministerii  non  esse  temporalem,  sicuti  paedagogiae  cuiuspiam:  sed  perpetuum  quamdiu  in  mundo  versamur.  Somniant  enim  fanatici  homines,  inutile  esse  ministerium,  simul  atque  ad  Christum  introducti  fuerimus.  Superbi,  qui  pias  sapere  volunt  quam  oportet,  quasi  puerilia  rudimenta  contemnunt.  Paulus  autem  reclamat,  pergendum  esse  in  hoc  cursu,  donec  amplius  nihil  nobis  desit:  hoc  est,  usque  ad  mortem  proficiendum  ita  esse  sub  unius  Christi  magisterio,  ut  non  pudeat  nos  ecclesiae  esse  discipulos,  cui  partes  istas  Christus  mandavit.  In  unitatem  fidei.  Sed  annon  statim  ab  initio  regnare  debet  inter  nos  fidei  unitas?  Regnat  quidem  (fateor)  inter  Dei  filios:  sed  nondum  ita  absolute  ut  sibi  mutuo  occurrerint.  Nam  in  tanta  naturae  imbecillitate  satis  est,  si  magis  in  dies  ac  magis  alii  aliis,  et  omnes  simul  Christo  accedant.  Nomen  enim  occursus  arctissimam  illam  colligationem  significat,  ad  quam  adhuc  adspiramus,  nunquam  perveniemus,  nisi  carne  hac  exuti,  quae  semper  multis  ignorantiae  et  incredulitatis  reliquiis  est  implicita.  Quod  sequitur  de  c  o  g  n  i  t  i  o  n  e  filii  Dei,  exegetice  positum  existimo.  Voluit  enim  apostolus  exponere  quaenam  sit  vera  fides,  et  ubi  consistat:  nempe  quum  filius  Dei  cognoscitur.  Nam  in  ipsum  solum  respicere  debet  fides,  ab  illo  pendere,  in  illo  quiescere  et  concludi.  Ultra  si  tendat,  evanescet:  neque  amplius  erit  fides,  sed  fallacia.  Meminerimus  ergo,  veram  fidem  ita  in  Christo  contineri,  ut  praeter  eum  nihil  sciat,  adeoque  nec  scire  appetat.  In  virum  perfectum.  Appositive  legendum  est,  ac  si  dixisset:  quae  est  ultima  Christianorum  perfectio.  Et  cur  istud?  quia  est  plena  aetas  in  Christo.  Neque  enim  stulti  homines  in  Christo  perfectionem  suam  quaerunt  ut  decebat.  Sed  inter  nos  istud  principium  valere  debet,  nihil  esse  extra  Christum,  nisi  noxium  et  exitiale.  Quisquis  ergo  vir  est  in  Christo,  ille  demum  omni  ex  parte  est  absolutus.  Aetas  p  l  e  n  i  t  u  d  i  n  i  s  pro  iusta,  vel  matura.  Hic  porro  nulla  fit  mentio  senectutis^  quae  in  hoc  progressu  locum  non  habet:  nam  cum  ista  spirituali  Christi  aetate  simul  etiam  crescit  vigor:  quod  autem  senescit\  ad  interitum  inclinat.  14.  Ne  amplius  simus.  Quemadmodum  de  maturitate  virilis  aetatis  disseruit,  ad  quam  tendimus  toto  vitae  curriculo:  ita  non  debere  nos  pueris/esse  similes,  dum  in  eiusmodi  profectu  sumus,  admonet.  Aliquid  enim  medium  statuit  inter  pueritiam  et  provectam  aetatem.  Pueri  quidem  sunt,  qui  nondum  gressum  firmarunt  in  via  Domini,  sed  vacillant:  qui  nondum  constitutum  habent  quam  viam  tenere  debeant,  sed  modo  huc,  modo  illuc  inclinant,  semper  dubii,  semper  inconstantes.  Qui  autem  vere  sun-