5:200  aeternum  contineat,  licet  ex  propheta  discere,  qui  scribit  praeparatam  ab  hesterno  impiis  gehennam  (Ies.  30,33):  quum  sciamus,  ex  Christi  verbis,  praeparatum  ab  aeterno  ignem  diabolo  et  angelis  eius  (Matth.  25,  41).  Vident  hic,  quibus  est  aliquid  iudicii  aut  sanae  mentis,  nihil  futurum  illis  reliquum,  quo  eludant  manifestam  adeo  veritatem.  Est  tamen  adhuc  quiddam  quod  obstrepunt:  sic  promissum  fuisse  paradisum  latroni  eo  die,  quemadmodum  indicta'  mors  primis  parentibus,  quo  die  gustarent  de  arbore  scientiae  boni  et  mali.  Quod  ut  illis  concedamus,  hoc  tamen  extorquebimus,  latronem  eo  die  restitutum  a  miseria,  in  quam  [fol.  22]  inciderat  Adam,  quo  die  legem  sibi  dictam  praevaricatus  fuerat:  fuisse  igitur  redditam  latroni  immortalitatem.  Deinde  quum  de  morte  statim  disseram,  satis  (ni  fallor)  explicabo,  quomodo  eo  die  mortui  fuerint  primi  parentes,  quo  die  se  a  Deo  abalienaverunt.  Nunc  mihi  ad  eos  sermo  convertatur,  qui  bona  pace  conscientiae,  promissorum  Dei  memores,  in  illis  acquiescunt.  Haec  inquam,  fratres,  haec  vobis  fides  non  excutiatur,  etiamsi  omnes  inferorum  portae  insultent,  ubi  Deum  habetis  sponsorem,  qui  veritatem  suam  abnegare  non  potest.  Vox  eius  est  minime  obscura,  ad  ecclesiam  adhuc  in  terris  peregrinantem:  Non  erit  tibi  amplius  sol  ad  lucendum  per  diem,  neque  splendor  lunae  illuminabit  te,  quia  erit  tibi  Dominus  in  lucem  sempiternam  (Ies.  60,  19).  Quod  si  suo  more  ad  ultimam  resurrectionem  nos  trahunt,  promptum  erit  refellere  vanitateml)  ex  singulis  verbis  capitis:  quibus  nunc  Dominus  promittit  suum  Christum,  nunc  gentes  in  fidem  cooptandas,  etc.  Semper  in  memoriam  nobis  redeat  quod  spiritus  docuit  per  os  Davidis:  Iustus  ut  palma  florebit,  sicut  cedrus  in  Libano  multiplicabitur.  Plantati  in  domo  Domini,  in  atriis  Dei  nostri  florebunt,  adhuc  germinabunt,  in  senectute  pingues  et  virides  erunt  (Psal.  92,  13  ss.).  Ne  vos  terreat  quod  omnes  naturae  virtutes  deficere  creduntur:  quum  auditis  senectutem  viridem,  pinguem  et  germinantem.  Haec  vobiscum  reputantes  exemplo  Davidis  occinite  animae  vestrae:  Benedic  anima  mea  Domino,  qui  satiat  bono  os  tuum:  renovabitur,  ut  aquilae,  iuventus  tua  (Psal.  103,  5).  Caetera  Domino  permittite,  qui  custodit  introitum  nostrum,  et  exitum  nostrum,  ex  hoc  nunc,  et  usque  in  saeculum  (Psal.  121,  8).  Hic  est  qui  pluit  imbrem  matutinum  et  serotinum,  super  electos  suos  (Ioel.  2,  23).  De  quo  nobis  dictum  est:  Deus  noster,  Deus  salutis  est:  et  Domini  Dei  egressus  mortis  (Psal.  68,  21).  Hanc  patris  bonitatem  exposuit  nobis  Christus,  quum  dixit:  Pater,  quos  dedisti  mihi,  volo  ut  ubi  ego  sum,  et  1)  Edd.  1576.1611  mendose:  unitatem.