29:200  que  nostre  Seigneur  ne  nous  delaissera  point  en  la  necessite.  Voila  donc  l'intention  de  Moyse,  que  Dieu  aura  tellement  son  bras  estendu,  que  tous  nos  ennemis  seront  dechassez:  combien  qu'ils  viennent  avec  grande  impetuosite,  qu'il  semble  qu'ils  doivent  renverser  tout,  mesmes  de  leur  souffle,  neantmoins  que  Dieu  sera  au  devant,  comme  il  sera  appelle  ci  apres  nostre  bouclier.  Bref  nous  voyons  comment  c'est  que  les  bras  de  Dieu  sont  ici  bas:  ils  ne  sont  pas  oisifs,  mais  c'est  pour  repousser  tous  nos  ennemis.  Or  nous  sommes  admonnestez,  quand  Dieu  nous  exercera  parmi  beaucoup  de  tentations,  de  ne  point  nous  fascher  outre  mesure:  tellement  que  nous  ayons  cela  (comme  i'ay  dit)  que  nostre  Seigneur  bataiJlera  pour  nous:  et  nous  aurons  la  victoire  en  nous  reposant.  Or  il  adiouste:  Qu'il  dira,  Dcstruy-le.  Si  Dieu  deschasse,  pourquoy  est-ce  qu'il  dit  que  nous  destruisions?  Il  semble  bien  qu'il  y  ait  ici  quelque  contrariete.  Car  si  Dieu  fait  tout,  il  semble  qu'il  ne  nous  laisse  rien.  Mais  Moyse  a  tresbien  exprime  comment  c'est  que  nous  obtenons  victoire  de  nos  ennemis.  Il  est  vray  que  c'est  luy  qui  combat:  mais  cependant  il  veut  que  nous  soyons  instrumens  de  sa  vertu:  nous  ne  pourrions  pas  soustenir  un  seul  assaut,  sinon  que  nous  fussions  fortifiez  d'enhaut:  et  mesmes  que  Dieu  en  somme  ne  gouvernast.  Car  nous  sommes  pleinement  inutiles,  car  il  n'y  a  point  une  seule  goutte  de  force  en  nous:  et  ce  que  nous  cuidons  en  avoir,  ce  n'est  que  mensonge.  Voila  donc  Dieu  qui  besongne  tellement  que  nous  sommes  maintenus  de  luy,  tout  ce  que  nous  avons  de  vie  et  de  salut,  il  nous  le  faut  recognoistre  de  la,  et  luy  attribuer:  et  quand  nous  voudrons  faire  un  tel  partage  que  les  papistes,  pour  dire,  que  nous  cooperons  avec  Dieu,  qu'il  y  a  quelque  concurrence,  et  que  nous  luy  aidons,  c'est  renoncer  a  son  aide.  Ainsi  donc  apprenons  de  laisser  a  Dieu  ce  qui  est  sien,  c'est  assavoir  que  tout  nostre  salut  consiste  en  luy.  Mais  cependant  il  ne  laisse  pas  de  nous  appliquer  a  son  service,  tellement  qu'il  semble  que  nous  facions.  Et  voila  en  quoy  les  Papistes  s'abusent  :  ils  parleront  du  franc  arbitre,  des  vertus  de  l'homme,  et  leur  semble  que  nous  faisons  merveilles:  ils  confesseront  bien  qu'il  nous  faut  estre  aidez  de  Dieu,  qu'il  faut  qu'il  nous  subvienne  parsa  grace:  maiscependant  si  nous  font-ils  tousiours  compagnons  de  Dieu.  Et  pourquoy?  Pource  qu'ils  voyent  bien  que  les  fidelles,  pour  servir  a  Dieu,  pour  resister  aux  tentations,  pour  cheminer  en  integrite,  pour  n'estre  point  corrompus  en  ce  monde,  qu'il  faut  qu'ils  s'efforcent,  qu'il  faut  qu'ils  mettent  peine  de  se  retenir,  qu'ils  soyent  la  comme  captifs,  qu'ils  bataillent  contr'eux-mesmes:  cela  ne  peut  estre  sans  grande  difficulte.  Car  pour  estre  patiens  en  leurs  afflictions,  il  faut  qu'ils  se  tiennent  la  enserrez,  qu'ils  recoivent  leurs  passions,  qu'ils  les  reiglent