27:200  LE  CINQUIESME  SERMON  SUR  LE  CHAP.  XII.  V.  19.28.  DU  MERCREDI  9��  D'OCTOBRE  1555.  Nous  vismes  hier  pourquoy  Dieu  avoit  assigne  aux  Levites  ca  et  la,  des  villes  au  pays  de  Iudee,  assavoir  pour  maintenir  la  vraye  religion  et  pure  entre  son  peuple.  Car  si  quelques  uns  se  fussent  voulu  destourner  en  superstitions,  ou  idolatries,  ceux  que  Dieu  avoit  ordonnez  a  son  service,  les  pouvoyent  redresser  par  bonnes  admonitions.  Ainsi  il  y  avoit  semence  de  bonne  doctrine  par  tout.  Suyvant  cela  Moyse  adiouste  :  Que  le  peuple  se  garde  Uen  de  les  frustrer  de  leur  droict  Et  non  sans  cause  :  car  Dieu  les  avoit  constituez  afin  qu'ils  vaquassent  a  son  service  (comme  nous  avons  declaire)  et  la  plus  grande  partie  aussi  qu'ils  enseignassent  le  peuple  de  Dieu,  tellement  que  sa  Loy  fust  cogneue.  Puis  qu'ainsi  est  donc  c'estoit  bien  raison  qu'ils  fussent  nourris  et  substantez.  Car  de  faict  une  partie  de  l'heritage  leur  appartenoit,  pource  qu'ils  estoyent  descendus  de  la  lignee  d'Abraham  :  mais  Dieu  les  en  avoit  privez,  afin  que  ils  ne  fussent  point  empeschez,  ni  a  cultiver  la  terre,  ni  a  autres  negoces:  mais  qu'ils  fussent  adonnez  du  tout  a  faire  leur  office.  Or  ce  n'est  point  sans  cause  que  Moyse  notamment  exhorte  le  peuple  a,  s'acquitter  de  son  devoir  en  cest  endroict:  car  nous  voyons  l'ingratitude  du  monde.  Les  idolatres  nourriront  bien  leurs  sacrificateurs,  et  la  rien  n'y  est  espargne:  mais  de  ceux  qui  servent  purement  a  Dieu,  on  n'en  tiendra  conte  le  plus  souvent,  et  on  Pa  veu  de  tout  temps.  Nous  voyons  les  complaintes  que  Dieu  fait,  que  il  estoit  fraude  tant  des  premices  que  des  oblations,  et  de  tout  le  reste  qu'il  avoit  ordonne  en  sa  Loy:  cependant  si  on  se  fust  enquis  comme  les  Payens  se  gouvernoyent  envers  leurs  idoles,  on  eust  trouve  qu'ils  eussent  bien  voulu  consommer  une  grande  partie  de  leur  substance  en  leurs  superstitions.  Nous  voyons  donc  (comme  i'ay  desia  touche)  que  le  monde  est  si  ingrat  envers  le  Dieu  vivant,  que  s'il  n'est  bien  solicite,  il  laissera  escouler  tout  ce  que  Dieu  commande,  et  seroit  content  que  iamais  il  n'en  fust  mention.  Sur  tout,  ceux  que  Dieu  aura  ordonne  pour  annoncer  sa  parolle,  non  seulement  seront  mesprisez:  mais  on  voudroit  en  estre  du  tout  quittes.  Et  pourquoy?  D'autant  que  Dieu  nous  redargue  de  nos  fautes,  et  nous  voudrions  qu'il  fust  loin  de  nous,  et  qu'il  nous  laissast  la  bride  sur  le  col,  qu'un  chacun  se  gouvernast  a  son  appettit:  il  nous  fasche  donc  quand  nous  sommes  pressez  par  la  parolle  de  Dieu.  Or  cependant  ceux  qui  sont  commis  en  ceste  charge,  s'ils  font  leur  devoir,  il  faudra  qu'ils  nous  soyent  importans,  quand  nous