20:200  4051��  CALVINUS  OLEVIANO.  An  et  quomodo  coena  aegrotis  administrari  possit.  (Servavit  Beza  ed.  Genev.  p.  330,  Laus.  p.  627,  Hanov.  p.  707,  Chouet  p.  454,  Amst.  p.  207.  Nos  reperimus  autographon  in  Cod.  Troncbiniano  fol.  9  ubi  Farelli  manu  adscriptum  legitur  :  Cal  Dec.  1563.)  S.  Etsi  pridem  meam  de  coena  aegrotis  administranda  sententiam  rogasti,  *)  optime  frater,  ideo  tamen  nullum  tulisti  responsum  quod  te  procul  abesse  putabam.  Ita  factum  est,  ut  Crispino2)  nihil  literarum  dederim.  Et  nunc  quum  superiores  literas  s)  clausissem,  venit  mihi  in  mentem  caput  hoc  fuisse  omissum.  Scio  rem  in  disceptatione  versari,  quia  non  desunt  utrinque  rationes.  Mihi  vero  non  est  propositum,  nunc  eas  sigillatim  excutere,  neque  tempus  suppetit.  Ex  natura  quidem,  fine,  et  usu  mysterii  probe  mihi  colligere  videor,  non  esse  tanto  bono  privandos  qui  vel  diuturno  morbo  laborant,  vel  de  vita  periclitantur.  Ad  fidei  confirmationem  valet  tesseram  accipere  quasi  ex  Christi  manu,  qua  certiores  fiamus  nos  in  eius  corpore  censeri,  carne  eius  et  sanguine  pasci  in  spem  aeternae  vitae.  Itaque  coenae  perceptio  nos  ad  obeundas  spirituales  pugnas  instruit.  Iam  si  pius  quispiam  e  mundo  migrandum  sibi  videat,  quia  fieri  non  potest,  quin  oppugnetur  ac  vexetur  multis  tentationibus,  merito  se  armari  cupiet  ad  sustinendos  conflictus.  An  eripiendum  est  singulare  adiumentum,  quo  fretus  ad  luctam  alacrius  descendat  et  victoriam  obtineat?  Iam  prohiberi,  quominus  liceat  profiteri  et  testatum  facere  pietatis  consensum  cum  ecclesia,  durum  est  ac  mali  exempli,  sive  quis  in  lecto  diu  iaceat,  sive  morti  sit  vicinus.  Atqui  coena  sanctae  inter  filios  Dei  unitatis  est  symbolum.  Quamvis  breviter  rem  attigerim,  agnoscis  tamen  quibus  rationibus  adductus  aegrotos  non  esse  arbitrer  a  communicatione  arcendos.  Neque  tamen  ea  de  causa  velim  turbas  movere.  Scis  in  hac  ecclesia  alium  esse  morem.  Acquiesco,  quia  utile  non  esset  contendere.  Qui  hanc  administrationem  non  putant  Christi  mandato  esse  consentaneam,  obiiciunt  sacrum  hoc  epulum  fuisse  institutum,  ut  communiter  illic  vescerentur  fideles,  quod  illis  verum  esse  concedo.  Sed  quamvis  nulla  sit  legitima  coena,  nisi  communis:  quae  tamen  aegrotis  dabitur,  quia  privata  non  erit,  adulterina  non  censebitur.  Nam  certe  partem  vel  appendicem  esse  constat  publicae  actionis.  Neque  vero  Paulus,  dum  4051.1)  Literae  non  exstant.  2)  Puta  Francofurtum  ad  nundinas  proficiscenti.  3)  deperditas.