15:200  tamen  christiani  orbis  vastitas  vel  invitos  cogit  ad  piae  unitatis  studium.  Videmus  ut  inter  papistas,  quamvis  capitalia  inter  se  aliis  in  rebus  certamina  exerceant,  maneat  tamen  scelerata  contra  evangelium  conspiratio.  Quam  exiguus  sit  eorum  numerus  qui  sinceram  Christi  doctrinam  tenent,  si  cum  ingentibus  conferatur  illorum  copiis,  dicere  nihil  attinet.  Interea  emergunt  quasi  e  sinu  nostro  audaculi  scriptores,  qui  non  solum  errorum  nebulis  sanae  doctrinae  lucem  obscurant  vel  pravis  deliriis  simplices  dementant  ac  minus  exercitatos,  sed  profana  dubitandi  licentia  totam  religionem  sibi  convellere  permittunt.  Nain  quasi  putidis  suis  ironiis  et  cavillis  genuinos  Socratis  discipulos  se  probent,  nullum  illis  magis  plausibile  est  axioma  quam  fidem  esse  liberam,  ut  liceat  quavis  de  re  ambigendo  scripturam  instar  nasi  cerei  (ut  loquuntur)  flexibilem  reddere.  Itaque  hoc  proficient  tandem,  qui  illecebris  novae  huius  academiae  capti  nunc  dubiis  speculationibus  indulgent,  ut  semper  discendo  nunquam  ad  scientiam  perveniant  veritatis.  Quotquot  autem  machinis  nos  oppugnat  Satan*  totidem  acerrimos  ad  quaerendam  coniunctionem  stimulos  nobis  esse  convenit.  Atque  haec,  ut  spero,  necessitas  probando  huic  meo  officio  abunde  vobis  sufficeret,  nisi  quod  potius  pro  summa  vestra  humanitate  suapte  sponte  gratum  fore  ac  iucundum  confido.  Certe  quum  hunc  commentarium  scribere  aggressus  sum,  norunt  multi  idonei  testes  mihi  fuisse  in  animo  eum  patris  vestri  excellentissimi  Principis  nomini  inscribere,  si  eo  superstite  diutius  frui  nobis  datum  foret.  Nunc  vero,  dum  post  eius  mortem  ad  eius  filios  et  haeredes  me  converto,  eiusdem  memoriae  dicare  videor:  sicuti  et  nunc  recentem  adhuc  celebrari  et  deinde  ad  posteros  transmitti  non  modo  aequum  est  quia  sic  meretur  ipsa,  sed  etiam  ad  commune  exemplum  non  parum  utile.  Magnum  est  in  nobilis  summique  ordinis  principe  cognitas  fuisse  virtutes,  quae  integra  eius  florens  eque  fortuna  non  solum  dignae  essent  eo  loco  sed  etiam  illam  amplissimam  dignitatem  et  tam  excelsum  honoris  gradum  ornarent.  Sed  quae  post  acceptam  belli  cladem  in  eius  pectore  vere  heroico  incredibilis  enituit  constantia  tantam  in  admirationem  erexit  omnium  mentes,  ut  plus  accreverit  veris  eius  laudibus  quam  fuerit  ex  opibus  diminutum.  Itaque  non  dubito  quin  ista  unius  hominis  infracta  magnitudo,  in  tristi  quae  deinde  sequuta  est  hodieque  durat  ecclesiae  concussione,  multa  piorum  millia  sustinuerit.  Quod  si  omnibus  ad  imitationem  propositus  fuit,  eo  vos  acrius  magisque  strenue,  generosi  Principes,  ut  vos  ad  domesticum  exemplar  formetis  eniti  convenit.  Nec  vero  dubito  certatim  vobis  tribus  commune  hoc  sine  invidia  esse  studium.  Quo  ma��  gis  etiam  consentaneum  putavi  mea  epistola  copo-