8:20  pro  iustitiae  suae  defensione  certabant,  quae  nihil  quam  fumus  erat,  sed  tamen  Christo  pretiosior  illi&  videbatur.  Utrique  violento  impetu  ruebant  ad  oppugnandum  evangelium,  sed  hi  furiosius:  ut  palam  fieret,  nihil  hypocritis  esse  virulentius.  De  hoc  scandalo  Christus  ipse  generaliter  loquitur:  quum  dicit,  filios  saeculi  evangelii  lucem  odio  habere,  ne  mala  ipsorum  opera  appareant  (Ioann.  3,  20).  Nam  remoto  evangelio,  tanquam  luce  exstincta,  lucet  in  tenebris  fallax  et  evanida  carnis  sapientia,  regnumque  obtinet  :  ficta  vero  sanctitas,  alas  suas  fastuose  l)  circumquaque  extendit.  Simul  atque  unicus  sol  iustitiae  Christus  cum  evangelii  sui  claritate  emergit,  non  tantum  evanescunt  illa  quae  prius  suum  culmen  honoris  occupabant,  sed  instar  stercoris  reputantur.  Hinc  illae  scilicet  lacrymae.  Haec  illa  est  exitialis  offensio,  de  qua  alibi  Paulus  loquitur,  quod  propriam  iustitiam  volentes  stabilire,  iustitiae  Dei  subiecti  non  fuerint  (Rom.  10,  3).  Quod  hodie  quoque  experimur.  Paucos  enim  videas  sapientiae  suae  persuasione  inflatos,  qui  non  sint  obstinati  [pag.  20]  veritatis  hostes.  Hypocritae  vero  usque  ad  rabiem  infesti.  Et  quae  alia  causa  Bunello2)  fuit,  cur  ab  evangelio  deficeret,  nisi  quod  homo  ad  ostentationem  natus,  et  sibi  plus  nimio  placens,  in  ordinem  se  cogi  aegre  sustinebat?  Unum  exempli  causa  nominavi.  Utinam  non  multos  haberet  sui  similes.  Quid  autem  nobis  agendum?  Sinamus  illos  impingere  in  lapidem  offensionis,  ut  idem  illis,  quod  olim  Iudaeis,  eveniat.  Volentes  iustitiam  statuere,  inquit  Paulus,  iustitiae  Dei  non  sunt  subiecti.  Ita  fit  ut  in  sua  caecitate  pereant.  Libenter,  inquam,  nos  inanes  ac  nudos  Christo  offeramus:  quo  nos  suis  bonis  impleat,  sua  gloria  vestiat:  atque  hoc  genus  scandali  abolitum  erit.  Verum  mare  quodammodo  exhauriendum  suscipiam,  si  velim  scandala  omnia  excutere,  et  ordine  recensere,  quae  sibi  miseri  homines  in  suam  perniciem  ex  scripturae  doctrina  struunt.  Neque  enim  temere  modo  impingunt,  si  qua  occurrit  difficultas,  1)  comme  un  paon  2)  Petrus  Bunellus  patre  Normanno  natus  Tolosae  humaniores  literas  docud,  inter  Ciceronianos  elegantissimus,  ipso  Aldo  Manutio  teste.  Amicus  Io.  Sturmii  fuit,  in  rebus  evangelicis  primum  liberius  sentiens,  sicut  plerique  Galli  qui  literis  favebant  renascentibus.  Postea  Lazaro  Bayfio  legato  gallico  apud  Venetos  adiunctus  fuit,  item  eiusdem  successori  lo.  de  Silva  episcopo  Vauriensi,  quem  deinde  in  Galliam  redeuntem  sequutus,  aliquot  per  annos  in  eivs  sede  episcopali  otium  literarium  egit.  Denique  iterum  in  Italiam  profectus  Taurini  fatis  concessit  a.  1546  aetatis  quadragesimo  septimo.  {Hist.  eccl.  1.  48.  Sammarthani  elogia  Gallorum.  Bayle  ete.)  Evangelici  apostatam  appellabant  tum  ob  pelagianismi  crassioris  errorem,  tum  quia  apud  Silvam  ep.  agens,  qui  et  ipse  apostata  erat,  et  fidelium  persequutor,  silentio  approbabat  quae  patronus  atrocia  in  evangelicos  dioeceseos  Vauriensis  et  iubebat  ipse  et  exsequi  alios  passus  est.