54:20  l'amour  qu'ils  se  portent  l'un  a  l'autre,  et  que  cela  reviene  a  luy,  et  qu'elle  soit  un  moyen  pour  se  soucier  aussi  de  leur  salut  eternel.  Mais  (comme  i'ay  desia  monstre)  si  nous  voulons  prattiquer  ce  que  dit  ici  sainct  Paul,  il  nous  faut  avoir  une  autre  ardeur  de  prier  que  nous  n'avons  point.  Car  ceux  qui  sont  tant  froids,  qu'ils  ne  scavent  s'ils  doyvent  prier  Dieu  une  fois  la  sepmaine,  comment  pourront  ils  protester  ce  que  dit  ici  sainct  Paul,  c'est  ascavoir  que  nuict  et  iour  il  fait  memoire  de  Timothee  en  priant?  Voici  doncques  un  exemple  memorable,  c'est  que  nous  ne  devons  point  prier  Dieu  seulement  une  fois  le  iour  comme  par  acquit,  mais  que  nous  devons  retourner  souvent  a  cest  exercice,  et  nous  y  picquer  voyant  nostre  paresse,  et  qu'un  chacun  s'y  pousse  quand  il  s'y  trouvera  trop  froid.  Car  il  ne  suffit  point  de  cognoistre  ce  vice,  mais  il  y  faut  remedier,  ainsi  que  i'ay  dit.  Picquons-nous  doncques,  et  qu'un  chacun  soit  son  soliciteur,  n'attendant  point  qu'on  le  rudoye.  Car  que  seronsnous  d'avantage  que  cest  exemple  de  sainct  Paul?  Et  au  reste,  si  nous  n'avons  autre  zele  et  ardeur  pour  prier  Dieu,  ce  tesmoignage-ci  nous  servira  d'uue  horrible  condamnation.  Il  est  vray  que  nous  n'avons  pas  receu  l'Esprit  de  Dieu  en  mesure  si  ample  que  sainct  Paul,  et  tous  ne  peuvent  estre  egaux:  mais  tant  y  a  que  nous  ne  pouvons  avoir  une  si  petite  portion  de  la  grace  de  Dieu,  qu'elle  ne  se  doyve  declarer  en  cest  endroit,  c'est  que  nous  ayons  affection  de  le  prier,  et  que  cela  ne  soit  point  par  ceremonie,  mais  que  nous  y  retournions  souvent:  que  nous  oublions  tout  le  reste  pour  elever  nos  coeurs  a  Dieu,  encores  que  nous  ayons  nos  besongnes  a  faire,  que  Dieu  recoyve  quelque  gemissement  de  nous:  quand  nous  voyons  les  povretez  qui  sont  par  tout  le  monde,  que  nous  voyons  les  confusions,  que  nous  voyons  les  necessitez,  que  nous  prions  Dieu  qu'il  estende  sa  main  pour  nous  secourir,  ou  pour  le  moID8  que  nous  iettions  quelque  souspir,  ec  que  nostre  Seigneur  exauce  cela,  et  que  nous  estondions  ceste  solicitude  iusques  a  nos  prochains,  qu'un  chacun  ne  pense  point  seulement  de  soy,  mais  qu'un  chacun  advise  de  procurer  le  salut  de  tout  le  corps  de  l'Eglise  en  general,  Voila  donc  ce  que  nous  avons  a  retenir  de  ceste  circonstance  qui  est  ici  mise.  Or  quand  sainct  Paul  dit,  qu'il  a  souvenance  des  larmes  de  Timothee,  et  de  la  foy  non  feinte  qui  estoit  en  luy,  par  cela  il  nous  monstre  que  selon  que  nous  aurons  cognu  un  homme  estre  doue  de  bonte,  que  nous  le  devons  tant  plus  honorer  et  aimer,  voire  si  nous  aimons  Dieu.  Et  ceste  doctrine  nous  doit  servir  a  double  usage.  Car  souvent  nous  avons  des  cupiditez  esgarees,  que  nous  n'avons  nul  esgard  si  les  hommes  ont  une  droite  piete,  c'est  a  dire  que  nous  appercevions  des  marques  de  crainte