53:20  c'est  batailler  manifestement  a  l'encontre  des  principes.  Si  on  nous  veut  faire  a  croire  que  nous  soyons  autrement  sauvez  que  par  la  pure  grace  de  Iesus  Christ  (comme  les  Papistes  tienent),  qu'il  faut  acquerir  Paradis  par  nos  merites,  et  que  ce  qui  nous  defaut,  il  le  faut  suppleer  par  nos  satisfactions,  et  que  c'est  le  moyen  de  nous  racheter  envers  Dieu:  c'est  batailler  manifestement  contre  ce  que  Dieu  nous  monstre,  et  c'est  comme  aneantir  la  substance  de  l'Evangile.  Il  faut  donc  que  nous  soyons  ici  sur  nos  gardes.  Que  si  on  nous  apporte  autre  doctrine  que  celle  qui  est  contenue  en  la  Loy  et  en  l'Evangile,  que  nous  la  detestions  comme  une  peste  mortelle.  Car  celuy  qui  nous  oste  la  pure  verite,  et  qui  la  corrompt,  nous  oste  la  vie  de  nos  ames,  et  les  fausses  doctrines  sont  autant  de  poisons  et  venins  qui  sont  pour  nous  meurtrir.  Que  nous  facions  donc  bon  guet  a  ce  que  nous  ne  soyons  point  seduits  ne  trompez  par  des  heretiques  qui  viendront  pour  nous  divertir  de  la  purete  de  la  foy:  voila  pour  un  item.  Mais  il  y  en  aura  qui  viendront  comme  par  dessous  terre,  qui  du  premier  coup  ne  renverseront  point  la  substance,  plustost  ils  feront  semblant  de  vouloir  adherer  a  nous,  mais  tant  y  a  que  par  subtil  moyen  et  par  voyes  obliques  ils  nous  destournent  de  la  simplicite  en  laquelle  Dieu  veut  que  nous  soyons  nourris.  Ils  viendront  la  comme  serpens  entortillans  leur  queue,  ils  auront  beaucoup  de  facons  de  faire  qui  seront  plaisantes  pour  attraire  et  pour  paistre  les  aureilles:  mais  quoy  qu'il  en  soit,  ils  parlent  comme  un  langage  bastard.  Que  si  on  les  escoute,  et  si  on  s'accorde  avec  eux,  voila  tout  ce  que  nous  avons  apprins  auparavant,  qui  est  efface.  Et  ainsi  en  est-il  advenu  en  la  Papaute:  car  la  aussi  tout  le  monde  a  change  de  style,  tellement  que  l'Escriture  saincte  est  comme  un  langage  estrange  qu'on  a  appele  Theologie,  non  pas  comme  doctrine  qui  soit  commune  aux  enfans  de  Dieu,  mais  comme  une  science  qui  est  a  part  pour  peu  de  gens.  Car  qu'est-ce  que  la  vraye  Theologie?  Ce  que  nostre  Seigneur  a  voulu  estre  commun  a  tous  ses  enfans,  a  grans  et  a  petis,  comme  il  est  dit  notamment  au  Prophete  Isaie:  et  nostre  Seigneur  Iesus  le  conferme  au  6.  de  sainct  Iean,  que  pour  estre  fideles,  et  pour  estre  du  troupeau  de  l'Eglise  il  faut  que  nous  soyons  enseignez  de  Dieu.  Ainsi  donc  quand  le  monde  s'est  addonne  a  un  tel  langage,  qu'on  a  laisse  l'Escriture  saincte,  et  qu'il  y  a  eu  un  style  tout  nouveau  et  estrange,  tout  a  este  confus  et  brouille:  ie  di  encores  que  la  doctrine  ne  fust  pas  directement  contraire.  Et  de  faict,  il  y  a  entre  les  theologiens  papistiques  d'aucunes  choses  qui  ne  sont  pas  du  tout  fausses.  Ie  di  d'aucunes:  car  il  y  a  des  corruptions  si  vilaines  et  enormes,  que  les  cheveux  en  doivent  dresser  en