51:20  de  charite:  car  la  charite  a  Dieu  pour  son  but,  et  la  communaute  (comme  nous  avons  dit)  qui  doit  estre  entre  nous.  Maintenant  donc  nous  voyons  comme  c'est  une  vraye  approbation  que  nous  desirons  d'aimer  Dieu,  quand  nous  taschons  de  bien  faire  a  ceux  mesmes  qui  n'en  sont  pas  dignes.  Au  reste  quand  ce  mot  est  adiouste,  comme  nous  mesmes,  ce  n'est  pas  que  chacun  se  doive  aimer,  et  puis  qu'il  doive  aimer  ses  prochains  en  second  lieu:  mais  nostre  Seigneur  nous  a  ici  voulu  sonder  la  maladie  qui  nous  empesche  de  vivre  en  charite:  c'est  ce  que  desia  nous  avons  dit  auparavant  que  si  les  hommes  n'estoyent  point  si  addonnez  a  leurs  personnes,  qu'il  y  auroit  bonne  amour  et  concorde  entre  tous:  mais  d'autant  que  nous  sommes  enclins  a  nous  trop  aimer,  et  que  ceste  affection  la  est  tant  excessive  qu'elle  nous  aveugle,  qu'elle  nous  oste  toute  raison  et  equite  et  droiture,  voila  pourquoy  Dieu  dit  qu'il  nous  faut  aimer  nos  prochains  comme  nous-mesmes:  car  si  cela  n'estoit  exprime,  nous  pourrions  parler  beaucoup  d'aimer  nos  prochains,  nous  dirions,  Et  il  les  faut  aimer,  mais  il  n'y  auroit  que  feintise,  comme  les  hypocrites  protestetifent  qu'ils  ne  veulent  nul  mal  a  leurs  ennemis:  mesmes  que  ils  desirent  et  procurent  lenr  bien.  Or  qu'on  vienne  a  cet  examen  que  met  ici  Dieu,  que  chacun  regarde  a  soy,  et  qu'il  iuge  s'il  s'aime  point  par  trop,  et  si  l'amour  qu'il  porte  a  ses  prochains  n'est  pas  bien  maigre  et  bien  froide.  Brief,  ici  Dieu  a  voulu  remedier  a  l'hypocrisie  de  laquelie  nous  sommes  par  trop  aveuglez.  Ii  a  voulu  aussi  68vueiller  les  hommes,  a  fin  qu'ils  apprennent  de  ne  se  point  flatter,  quand  il  dit,  Ce  n'est  point  assez  que  vous  aimiez  l'un  l'autre:  mais  il  faut  que  vous  aimiez  vos  prochains  comme  vous-mesmes.  Or  la  dessus  nous  voyons  combien  nous  sommes  loins  de  la  perfection  de  la  Loy,  et  que  nous  avons  a  combatre  contre  nostre  nature  pour  obeir  a  Dieu.  Ou  sont  donc  les  vrais  exercices  des  Chrestiens?  C'est  que  cognoissant  qu'ils  s'acquittent  si  mal  envers  Dieu,  qu'ils  gemissent  pour  leurs  infirmitez  et  vices  :  et  la  dessus  qu'ils  s'efforcent  et  qu'ils  taschent  de  gagner  de  iour  en  iour  sur  eux,  a  fin  que  leurs  appetis  ne  dominent  point:  mais  plustost  que  Dieu  ait  ceste  superiori  t  e-la,  qu'au  lieu  de  nous  aimer,  nous  taschions  de  nous  employer  a  bien  faire  la  ou  il  nous  appelle.  Au  reste  sainct  Paul  ayant  monstre  la  perfection  de  la  Loy,  ayant  monstre  le  but  auquel  nous  devons  tendre  pour  reigler  nostre  vie  selon  la  parole  de  Dieu,  adiouste  que  si  les  hommes  se  mordent,  et  qu'ils  se  mangent  comme  chiens  et  chats,  il  faudra  en  la  fin  qu'ils  soyent  consumez.  Et  c'est  pour  faire  plus  grand'honte  a  ceux  qui  sont  ainsi  acharnez  en  leurs  haines  et  en  leurs  riottes,  et  qui  ferment  les  yeux  a  toute  raison:  et  que  ce  leur  est  tout  un