47:20  travit  (Exod.  33,  23),  et  tamen  nominatim  Deus  pronuntiat:  Faciem  meam  videre  non  poteris,  tantum  videbis  tergum  meum.  Qua  metaphora  plenae  et  liquidae  revelationis  tempus  nondum  venisse  significat.  Est  etiam  notandum,  patres,  quum  Deum  aspicere  vellent,  semper  oculos  ad  Christum  vertisse.  Non  tantum  hoc  intelligo,  quod  Deum  in  aeterno  suo  sermone  intuiti  sint,  sed  quod  ad  promissam  Christi  manifestationem  tota  mente,  totoque  cordis  affectu  intenti  erant.  Qua  ratione  dicet  Christus  ipse  cap.  8,  56:  Abraham  vidit  diem  meum.  Porro  quod  subalternatur  non  pugnat.  Manet  er.go  illud  fixum,  Deum  qui  Drius  erat  invisibilis,  nunc  in  Christo  apparuisse.  Quum  dicit  filium  in  sinu  patris  fuisse^  sumpta  est  ab  hominibus  translatio,  qui  in  sinum  suum  admittere  dicuntur,  quibuscum  arcana  omnia  communicant.  Sedes  consilii  pectus  est.  Ergo  filium  ab  intimis  secretis  patri  fuisse  docet,  ut  sciamus  in  evangelio  nos  habere  quasi  apertum  Dei  pectus.  19.  Et  hoc  est  testimonium  Ioannis,  quando  miserunt  Iudaei  Hierosolyma  sacerdotes  et  Levitas^  ut  interrogarent  eum.  Tu  quis  es?  20.  Et  confessus  esty  et  non  negavit:  confessus  est,  inquam,  Non  sum  ego  Christus.  21.  Tunc  interrogarunt  eum.  Quid  ergo?  Elias  es  tu?  Et  dixit,  Non  sum.  Propheta  es  tu?  Et  respondit^  Non.  22.  Dixerunt  ergo  Uli,  Quis  es>  ut  responsum  demus  iis  qui  miserunt  nos?  Quid  dicis  de  te  ipso?  23.  Ego  j  inquit,  vox  clamantis  in  deserto:  Parate  viam  Domini,  quemadmodum  dixit  Iesaias  propheta.  19.  Et  hoc  est  testimonium.  Hactenus  Ioannis  concionem  de  Christo  habitam  retulit  evangelista:  nunc  descendit  ad  testimonium  magis  celebre,  quod  sacerdotum  legatis  redditum  fuit  ut  Hierosolymam  perferrent.  Dicit  ergo  Ioannem  aperte  professum  esse  quorsum  a  Deo  missus  esset.  Quaeritur  primum,  quo  consilio  ipsum  interrogaverint  sacerdotes.  Vulgo  existimant  Christi  odio  falsum  honorem  Ioanni  eos  detulisse:  atqui  tunc  nondum  illis  innotuerat  Christus.  Dicunt  alii  placuisse  magis  Ioannem,  quod  ex  genere  ac  ordine  sacerdotali  esset:  sed  ne  hoc  quidem  est  probabile.  Nam  quum  fausta  omnia  sibi  a  Christo  promitterent,  cur  sponte  finxissent  sibi  falsum  Christum?  Proinde  alia  ratione  inductos  fuisse  arbitror.  Diu  iam  caruerant  prophetis:  Ioannes  repente  et  ex  insperato  prodierat:  erecti  exspectatione  erant  omnium  animi.  Adde,  quod  propinquum  Messiae  adventum  omnes  animis  conceperant.  Ne  in  officio  suo  torpere  videantur  sacerdotes,  si  rem  tanti  momenti  negligant  aut  dissimulent,  quaerunt  ex  Ioanne  quisnam  sit.  Ergo  initio  nihil  astute  egerunt:  quin  potius  redemptionis  desiderio  impulsi  scire  cupiunt,  an  Ioannes  sit