46:20  accepte  ce  que  ses  fideles  font,  combien  qu'il  ne  soit  pas  digne  "de  venir  devant  sa  face.  Comme  quoy?  Quand  l'Escriture  parle  de  ce  que  nous  avons  de  nostre  naturel,  elle  dit  que  nous  ne  sommes  qu'ordure  et  infection  devant  Dieu,  quant  a  nos  oeuvres.  Et  il  est  certain  que  nous  sommes��  comme  povres  charongnes  pourries,  environnees  de  toute  malediction.  Tout  ce  qui  procedera  donc  de  nous,  ne  vaut  rien,  c'est  autant  de  poison,  et  de  venin,  quant  a  Dieu.  Et  si  nous  produisons  des  fueilles,  elles  ne  feront  que  tromper:  car  nous  sommes  de  mauvais  arbres.  Il  y  pourra  avoir  quelque  belle  apparence,  mais  nul  fruict,  ni  substance  qui  merite  d'estre  prisee.  Voyla  donc  que  c'est  des  hommes.  Or  quand  il  plaist  a  Dieu  de  nous  conduire  par  son  S.  Esprit,  alors  nous  commencons  a  bien  faire,  non  point  de  nostre  mouvement  propre,  mais  d'autant  que  la  grace  nous  est  donnee  d'enhaut,  tellement  qu'il  faut  yci  oublier  ceste  fausse  opinion  du  franc  arbitre,  de  laquelle  le  monde  a  este  abbruve,  et  que  nous  cognoissions  que  tout  le  bien  que  nous  pouvons  faire,  c'est  d'autant  que  nous  sommes  gouvernez  par  l'Esprit  de  Dieu.  Voyla  donc  d'ou  commencent  les  bonnes  oeuvres,  quel  en  est  le  principe  et  la  source:  c'est,  quand  Dieu  nous  fait  nouvelles  creatures,  pour  cheminer  aux  bonnes  oeuvres,  lesquelles  il  a  apprestees,  comme  S.  Paul  dit.  Or  maintenant  regardons  si  les  bonnes  oeuvres  que  nous  faisons  par  ia  grace  de  Dieu,  luy  peuvent  satisfaire,  et  si  elles  sont  dignes  d'estre  acceptees.  Il  est  certain  que  non:  et  il  y  a  deux  raisons.  L'une  est,  que  Dieu  dit,  Quiconques  fera  ces  choses,  vivra  en  icelles:  et  qui  aura  failli  en  un  poinct,  il  sera  coulpable  de  tous.  Quand  donc  nous  ferons  une  centaine  de  bonnes  oeuvres,  et  qu'il  y  en  aura  une  mauvaise,  nous  meritons  d'estre  condamnez  comme  transgresseurs:  ainsi  que  i'ay  desia  allegue  le  passage  de  S.  Iaques,  Que  quoy  que  nous  facions,  il  ne  nous  demeurera  aucun  merite,  quand  seulement  il  y  aura  a  redire  en  un  seul  poinct.  Or  il  n'y  a  celuy  qui  puisse  alleguer  qu'il  ait  observe  la  Loy  de  Dieu:  mais  au  contraire,  si  nous  faisons  une  bonne  oeuvre,  il  nous  en  eschappera  une  douzaine  de  vicieuses.  Nous  ne  le  penserons  pas:  mais  Dieu  voit  plus  clair  que  nous,  comme  dit  S.  Iean  en  sa  canonique.  Et  mesme  qu'on  prenne  les  meilleures  oeuvres  des  fideles,  si  est-ce  qu'on  ne  trouvera  pas  encore  qu'il  y  ait  une  telle  purete  qu'il  est  requis,  car  iamais  n'aiment  Dieu  de  tout  leur  coeur,  et  de  toutes  leurs  pensees  et  affections,  d'autant  qu'ils  ne  se  peuvent  despouiller  de  beaucoup  d'infirmitez.  Il  est  vray  qu'ils  tendront  a  Dieu  d'un  desir  rond  et  entier:  mais  quoy  qu'il  en  soit,  il  y  a  tousiours  a��  redire,  tellement  que  tout  ce  que  nous  pourrons  faire,  ie  di  mesmes  par  la  vertu  de  l'Esprit  de