44:20  quemlibet  cavum  vocam  IWOD  Haebraei:  sicuti  Solomon  (Prov.  27,  22)  vocat  mortarium  ETOD  propter  cavitatem:  sic  ex  aliis  scripturae  locis  colligimus  i^rQD  nihil  aliud  significare  quam  vel  cavernam,  vel  locum  demissiorem.  Scimus  autem  ut  plurimum  vicos  mercatorios  esse  in  planitie,  idque  fert  commoditas:  quoniam  transportandae  sunt  merces.  Erga  Ierosolymae  potuit  magna  esse  frequentia  mercatorum  in  parte  urbis,  quae  erat  in  loco  magis  cavo.  Nam  qui  putant  proprium  esse  nomen,  nihil  afferunt  vel  rationis  vel  coloris.  Deinde  satis  ex  contextu  liquet  hic  sermonem  haberi  de  mercatoribus,  quia  exterminatus  est,  inquit,  populus  Canaan.  ]W2  significat  mercatorem.  Alii  putant  Iudaeos  hoc  loco,  sicuti  saepe  alibi,  vocari  Canaan,  quod  degeneres  essent  et  magis  similes  Cananaeis  quam  sancti��  patribus,  a  quibus  originem  trahebant.  Sed  propheta  haud  dubie  hic  de  mercatoribus  disserit:  quia  sequitur  statim  expositio.  Super  omnem  onustum  pecunia,  inquit.  Onustos  autem  pecunia  dicit  mercatores:  quia  non  possunt  ultro  citroque  inter  se  agere,  quin  multae  fiant  solutiones,  numerentur  hinc  inde  pecuniae:  et  quia  etiam  ut  plurimum  mercatores  ad  se  quaestuosis  artibus  trahunt  magnam  partem  opulentiae  mundi.  Iam  ergo  tenemus  quid  velit  propheta:  indicit  ululatum  mercatoribus,  qui  erant  absconditi  in  suis  cavernis:  quia  tenebant  partem  illam  urbis,  quemadmodum  iam  dixi,  quae  subiecta  erat  collibus.  Et  postea  nomen  ipsum  ]yJD  exprimit:  tandem  loquitur  de  eorum  opulentia,,  ut  verisimile  est  tunc  fuisse  locupletatos  fraudibus  et  pessimis  artibus:  deinde  ut  sciant  sibi  inutilem  fore  pecuniam:  quia  nihil  praesidii  reperient  in  ea,  ubi  Dominus  manum  suam  ad  vindictam  exeret.  Iam  sequitur:  12.  Et  erit  in  tempore  illo,  scrutabor  Ierusalem  in  lucernis,  et  visitabo  super  homines,  qui  congelati  sunt  in  faecibus  suis:  et  dicunt  in  cordibus  suis}  Neque  benefaciet  Iehova,  neque  malefaciet.  Hic  in  genere  compellat  propheta  Dei  contemptores,  qui  in  malitia  sua  obduruerant.  Sed  priusquam  eos  aperte  nominet,  dicit  in  genere  visitationem  hanc  talem  fore  ut  Deus  excutiat  omnes  forulos,  ne  quid  scilicet  maneat  intactum.  Nam  visitare  in  lucernis,  vel  scrutari  in  lucernis,  est  ita  absconditissimas  quasque  partes  vel  latibula  scrutari,  ut  nihil  prorsus  effugiat.  Si  quis  velit  urbem  aliquam  diripere,  primo  intrabit  domos,  et  inde  auferet  quidquid  obvium  fuerit.  Si  autem  existimet  opes  fuisse  reconditas,  descendet  in  cellae  absconditas:  deinde  si  nihil  sit  lucis,  accendet  lucernam,  et  diligenter  oculos  suos  huc  et  illuc  circumferet,  ut  ne  quid  praetereat.  Hac  ergo  similitudine  intelligit  Deus  Ierosolymam  sic  esse  spoliandam,  ut